Qazaqstan Efıopııaǵa gýmanıtarlyq kómek kórsetti

ASTANA. QazAqparat - 1 jeltoqsanda QR Úkimetiniń sheshimen Qazaqstan Respýblıkasy Efıopııanyń tabıǵı apattardyń qaterin basqarý jónindegi ulttyq komıssııasyna sońǵy jarty ǵasyrda kezdespegen qurǵaqshylyqtyń saldaryn joıý maqsatynda 50 000 AQSh dollary kóleminde gýmanıtarlyq kómekti tapsyrý rásimi bolyp ótti, dep habarlaıdy QR SІM baspasóz qyzmeti.

Qazaqstannyń Efıopııadaǵy elshisi Erlik Álı rásimdegi sóılegen sózinde: «Qazaqstan Úkimeti men halqy Efıopııa turǵyndarynyń qasiretine beı-jaı qaraı almady, sondyqtan biz zardap shekken halyqqa qoldan kelgenshe kómek kórsetemiz», - dedi.

Erlik Álı Efıopııa halqy men úkimetiniń qazirgi qıynshylyǵynan tez arada qutylatynyna senim bildirdi. Efıopııadaǵy tabıǵı apattardyń qaterin basqarý jónindegi ulttyq komıssııasynyń basshysy M.Kassa kórsetilgen kómek úshin QR Úkimetine zor alǵysyn bildirip, keń peıil qazaq halqyna tabys tiledi.