Qazaqstan EDYU elderiniń tájirıbesin paıdalanýǵa nıetti - Q. Bıshimbaev

ASTANA. QazAqparat - Parıjde Qazaqstan Respýblıkasy Ulttyq ekonomıka mınıstri Qýandyq Bıshimbaev basqarǵan Qazaqstan delegatsııasynyń qatysýymen EDYU Mınıstrler Keńesiniń otyrysy ótti.

Qatysýshylar saýdaǵa qarajat salýdy nyǵaıtý jáne ınklıýzıvtik ósimge ınvestıtsııa, sondaı-aq, turaqty damytýdyń ıntegratsııalyq jáne qaıta qurýmaqsattaryn engizý boıynsha taqyryptar talqylandy, dep habarlaıdy QR UEM baspasóz qyzmetinen.

Kezdesýdiń negizgi taqyryby «2030 jospar: ınklıýzıvti jáne turaqty ósim úshin ámbebap kún tártibi» boldy. Q. Bıshimbaevtyń pikiri boıynsha, atalmysh tártip bizdiń respýblıkamyzdyń álemniń básekege eń qabiletti elder qataryna kirý josparymen úılesedi.

Sonymen qatar, Qazaqstan respýblıkanyń EDYU birqatar deklaratsııalary men usynystaryna qosylýyn qarastyratyn el baǵdarlamasynyń aıaqtalýyna jaqyn.

«El baǵdarlamasy sheńberinde Qazaqstannyń memlekettik saıasatynyń túrli aspektileri zertteldi, usynymdar týdyryldy, olardyń kóbi Qazaqstan tirshiliginiń túrli salasyn jańǵyrtýǵa baǵyttalǵan zańdarǵa negiz boldy» - dedi Q.Bıshimbaev.

Baǵdarlamany iske asyrý ishinde Qazaqstan sandyq úkimetti, bilim berý, jumyspen qamtý jáne kásipkerlik aıasynda genderlik tendik qurý, sondaı-aq halyqaralyq bıznes jáne qarjy mámile jasaý barysynda ashyqtyq salasynda alǵa basty.

Q.Bıshimbaev  2016 - EYDU Mınıstrler Keńesiniń otyrysyna qatysý turaqty ekonomıkalyq ósim úshin damyǵan elder qazirgi ýaqytta qandaı shara qabyldaǵanyn kórýge, sonymen qatar Qazaqstanǵa qatysty usynymdar berýge múmkindik beretinin atap ótti