Qazaqstan EAEO elderimen ózara saýdanyń 91 paıyzyn Reseımen jasap otyr

<p>2023 jylǵy qańtar-tamyzda Qazaqstan Respýblıkasynyń EAEO elderimen ózara saýda 18 518,7 mln AQSh dollaryn qurap, ótken jyldyń sáıkes kezeńimen salystyrǵanda nomınaldy mánde 1,2% kóbeıdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> ulttyq statbıýroǵa silteme jasap.</p>

2023 jylǵy qańtar-tamyzda taýar eksporty 7 050,4 mln AQSh dollary (20,5% kóp), ımport — 11 468,2 mln AQSh dollary (7,9% az) deńgeıinde qalyptasty.

Qazaqstan Respýblıkasynyń EAEO elderimen syrtqy saýda aınalymynyń jalpy kólemindegi Armenııa úlesi — 0,2%, Belarýsta — 3,3%, Qyrǵyzstanda — 4,7%, Reseıde — 91,8%.

EAEO elderimen eksporttaǵy eń joǵary úles mashına, jabdyqtar, kólik quraldary, aspaptar men apparattarǵa tıesili — 28,2%, odan keıin hımııa jáne onymen baılanysty ónerkásip salalarynyń ónimderi — 23,7%.

EAEO elderinen Qazaqstanǵa ákelinetin ımport qurylymynda mal jáne ósimdik ónimderi, daıyn azyq-túlik taýarlary basym — 19,7%, metaldar men olardan jasalǵan buıymdar úlesi — 19,2%.