Qazaqstan EAEO elderinen neni ımporttap otyr

NUR-SULTAN. QazAqparat – Qazaqstannyń Eýrazııa ekonomıkalyq odaǵynyń elderimen saýdasy artty. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.

Qazaqstan Respýblıkasynyń EAEO elderimen qańtar-naýryzdaǵy ózara saýdasy 5191,5 mln AQSh dollaryn qurap, 2020 jylǵy qańtar-naýryzben salystyrǵanda nomınaldy mánde 13,2% artty. Sonyń ishinde eksport – 1532,3 mln dollar (16,8% kóp), ımport 3659,2 mln dollar (11,8% kóp) boldy.

QR-dyń EAEO elderimen syrtqy saýda aınalymynyń jalpy kóleminde:

- Reseı Federatsııasyna – 92,9%;

- Qyrǵyzstan Respýblıkasyna – 3,6%;

- Belarýs Respýblıkasyna – 3,4%;

- Armenııa Respýblıkasyna – 0,1% keledi.

Atalmysh elderge Qazaqstannan eksporttalady:

- mıneraldy ónimder – 37,8%;

- metaldar jáne olardan jasalatyn buıymdar – 31,1%;

- hımııalyq ónim jáne olarmen baılanysty ónerkásip salalary – 11,3%;

- mal jáne ósimdik ónimderi, daıyn azyq-túlik taýarlary – 10,4%;

- mashınalar, jabdyqtar, kólik quraldary, aspaptar jáne apparattar – 6,9%;

- ózgeleri – 1,6%.

Import:

- mashınalar, jabdyqtar, kólik quraldary, aspaptar jáne apparattar – 24,9%;

- hımııalyq ónim jáne olarmen baılanysty ónerkásip salalary – 20,2%;

- mal jáne ósimdik ónimderi, daıyn azyq-túlik taýarlary – 15,0%;

- metaldar jáne olardan jasalatyn buıymdar – 14,9%;

- ózgeleri – 13,9%.

- mıneraldy ónimder – 11,1%;