Qazaqstan dzıýdoshylary Gran-prı týrnırinde úzdik úshtikke endi

NUR-SULTAN. QazAqparat - Túrkııanyń Antalııa qalasynda dzıýdodan ótken kezekti Gran-prı týrnırinde Qazaqstan quramasy jalpy esepte úzdik úshtikten kórindi, dep habarlaıdy QazAqparat tilshisi.

Atalǵan týrnırde qazaqstandyq sportshy Eldos Smetov 60 keli salmaqta fınalda ózbekstandyq Kemran Nýrıllaevty jeńip chempıon atansa, al áıelder arasynda 48 kg salmaqta fınalda kosovolyq Dıstrııa Krasnıkımen beldesken Otngontsetseg Galbadrah kúmis júldeni enshilegen edi.

Mine, osy bir altyn, bir kúmis júldeniń arqasynda Qazaqstan quramasy jalpy esepte Gran-prı týrnıriniń qorytyndysy boıynsha úshinshi orynǵa taban tiredi.

Birinshi orynǵa 1 altyn, 2 kúmis, 2 qola medal jeńip alǵan Grýzııa balýandary ıe bolsa, ekinshi orynǵa 1 altyn, 1 kúmis, 2 qola medal alǵan Ázerbaıjan komandasy turaqtady.