Qazaqstan dzıýdo quramasy Brazılııadan utyldy
Qazaqstan quramasy Brazılııa quramasyna qarsy kúreste qarsylastaryna 4:2 esebimen jol berdi.
Parıj olımpıadasynda dzıýdodan aralas komandalyq jarysta Qazaqstan quramasy Brazılııadan jeńilip, jarysty aıaqtady — 2:4.
57 kelide Abıba Ábýjaqynova Sılva Rafaelden jeńilse, 73 kelide Danııar Shamshaev Danıel Garnındi jeńip, esepti teńestirgen.
70 kelide Esmıgúl Kýıýlova Ketlın Kýadrostan jeńilip qaldy.
90 kelide Abylaıhan Jubanazar Rafael Makedo qolyn tartyp, ıppon ádisimen jeńip ketti — 2:2.
Biraq +70 kelide Kámıla Berliqash Beatrıs Soýzaǵa, +90 kelide Nurlyhan Sharhan Leonardo Konsalveske ese jiberdi.
Komandalyq aralas beldesýlerde Qazaqstan namysyn áıelderden Ábıba Ábýjaqynova, Kamıla Berliqash, Esmıgúl Kýıýlova qorǵasa, erlerden Danııar Shamshaev, Abylaıhan Jubanazar, Nurlyhan Sharhan synǵa túsip jatyr.
Jalpy Parıj Olımpıadasyna erlerden 5, áıelderden 3 dzıýdoshy kelgen.
Olardyń arasynan jekeleı jarystarda Eldos Smetov chempıon atansa, Ǵusyman Qyrǵyzbaev qola medal jeńip aldy.
Áıelder arasynda eń úzdik nátıjeni Ábıba Ábýjaqynova tirkedi. Ol qola medal úshin beldesýde qarsylasyna jol berip, 5-oryndy qanaǵat tutty.
Osylaısha, qazaq dzıýdoshylary Olımpıada oıyndaryn 1 altyn, 1 qola medalmen aıaqtaǵan edi.