Qazaqstan dzıýdo federatsııasy jyl úzdikterin marapattady
QR Dzıýdo federetsııasynyń baspasóz qyzmeti málim etkendeı, Federatsııa prezıdenti Qýanyshbek Bahytbekuly Esekeevtiń jetekshiligimen ótken sharaǵa uıymnyń vıtse-prezıdentteri, ulttyq qurama jattyqtyrýshylary men sportshylary, Qazaqstan jastar jáne jasóspirimder qurama komandalarynyń bapkerler quramy men sportshylar, ǵylymı-keshendi top ókilderi qatysty.
Bıyl dzıýdo sportynan úzdik nátıje kórsetken sportshylar qatarynan jazǵy Azııa oıyndarynyń júldegerleri Abıba Abýjaqynova - 5000$, Maǵjan Shamshadın - 3000$, Esmıgúl Kýıýlova - 3000$, Abylaıhan Jubanazar - 3000$, Nurlyhan Sharhan - 3000$ marapattalyp, Jastar arasyndaǵy álem chempıonatynyń júldegerleri Janarys Rahmetqalı - 1500$, Talǵat Orynbasar - 1500$, Jasóspirimder arasyndaǵy álem chempıonatynyń jeńimpazy men júldegerleri Nurlan Isataev - 1 000 000 tg, Balǵabaı Dosbol - 400 000 tg, Sabına ıÝldashbekova - 500 000 tg, Oralbek Baızaq - 400 000 tg, Berikbol Jumanbekov - 400 000 tg mólsherindegi sertıfıkat tapsyryldy.
2023 jylǵy sport maýsymynda joǵarǵy nátıje kórsetkeni úshin Kamıla Berliqash pen Ǵalııa Tynbaeva, sondaı-aq bapkerler quramy, Nurbol Súleımenov pen Erlan Alpysbaev bastaǵan Qazaqstan ulttyq qurama komandalarynyń bapkerler qosyny, Qazaqstan jastar men jasóspirimder qurama komandalarynyń aǵa jattyqtyrýshylary, ulttyq quramanyń massajıst, dárigerleri, federatsııa qyzmetkerleri marapattaldy.
Іsshara sońynda Federatsııa prezıdenti sportshylar men bapkerlerge, ujymǵa alǵys bildirip, keler Olımpıadalyq maýsymǵa sáttilik tiledi.