Qazaqstan Dúnıejúzilik muralar komıtetiniń múshesi bolyp saılandy

<p>Qazaqstan 2023-2027 jyldarǵa Dúnıejúzilik muralar komıtetiniń múshesi bolyp saılandy. Bul týraly Memlekettik keńesshi Erlan Qarın málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>. </p>

«Parıjden jaǵymdy jańalyq jetti.

ıÝNESKO Bas konferentsııasy jumysynyń sońǵy kúni Qazaqstan 2023-2027 jyldarǵa Dúnıejúzilik muralar komıtetiniń múshesi bolyp saılandy.

Quramyna 21 memleket kiretin Dúnıejúzilik muralar komıteti ─ ıÝNESKO-nyń asa mańyzdy ári bedeldi basqarýshy organy. Bul komıtettiń nysandardy Dúnıejúzilik muralar tizimine engizýge jáne alyp tastaýǵa aıryqsha quqyǵy bar», — delingen jazbada. 

Memlekettik keńesshiniń dereginshe, Qazaqstannyń kandıdatýrasyn 118 memleket qoldaǵan.

Elimizdiń Dúnıejúzilik muralar komıtetine múshe bolyp saılanýy biregeı mádenı jáne tabıǵı muralaramyzdy saqtaýǵa qatysty belsendi jumysymyzdy halyqaralyq qaýymdastyqtyń moıyndaıtynyn kórsetedi.

Sondaı-aq buǵan deıin ıÝNESKO-nyń Almatydaǵy keńsesine Ortalyq Azııa memleketterinen bólek Aýǵanstan, Pákistan jáne Iran memleketterin qamtıtyn Kópsektorly aımaqtyq keńse (Bıýro) mártebesin berý týraly sheshim qabyldanǵan bolatyn.