Qazaqstan Dúnıejúzilik banktiń pandemııa qorynan óteýsiz grant aldy

<p>ASTANA. KAZINFORM - Elordada Pandemııa qorynyń granty resmı túrde iske qosyldy. Bul týraly Densaýlyq saqtaý mınıstriliginiń baspasóz qyzmeti habarlady.&nbsp;</p>

Atalmysh is-sharaǵa Qazaqstan Respýblıkasy Densaýlyq saqtaý mınıstrligi, BUU-nyń QR-daǵy turaqty úılestirýshisi Mıkael Frıberg-Storı, DDU-nyń Qazaqstandaǵy ókili doktor Skender Syla, Pandemııa qorynyń atqarýshy dırektory Prııa Basý jáne dıplomatııalyq mıssııalar ókilderi qatysty. 

Pandemııa qorynyń qarajaty eldiń densaýlyq saqtaý júıesiniń epıdemıologııalyq qadaǵalaý, shekaralyq baqylaý, zerthanalyq qaýipsizdik, erte anyqtaý jáne den qoıý, sondaı-aq personaldy oqytý salasyndaǵy mindetterin sheshýge baǵyttalatyn bolady. 

DDU-nyń Qazaqstandaǵy eldik ofısi osy granttyń elde iske asyrylýyn úılestiredi jáne Qazaqstan Respýblıkasy Densaýlyq saqtaý mınıstrligine jalpy tehnıkalyq qoldaýdy qamtamasyz etedi.

Qazaqstan DDU Eýropalyq óńiriniń 36 eliniń birine aınaldy, úsh jyl merzimge 19 mln. AQSh dollary somasyna eldik grant jáne 27 mln. AQSh dollary somasyna kóp eldik grant aldy.