«Qazaqstan dollarǵa táýeldilikten úsh aıda aryla ala ma?» - respýblıkalyq basylymdarǵa sholý
***
Zorlyq-zombylyqqa toly qýǵyn-súrgin jáne asharshylyq jyldarynyń, onyń tıgizgen zalal-zardaptarynyń tarıh paraǵynan óshpesi haq. Al ult tarıhyndaǵy osynaý qasiretti de náýbetti kezeńge arnap eskertkish ornatý - totalıtarlyq saıasattyń quryǵyna ilinip, ashtyq qyrǵynynyń qurbanyna aınalǵandardyń rýhyna degen qurmet pen taǵzymnyń bir belgisi ispetti. Keshe Memleket basshysy Nursultan Nazarbaev Astanada boı kótergen «Asharshylyq qurbandaryna eskertkish» monýmentin ashty. Osyǵan oraı «Egemen Qazaqstan» gazetinde «Máńgilikke taǵzym» degen taqyryppen maqala basyldy. Jarııalanymda alqaly jıyn aldynda sóz sóılegen Elbasynyń: «Asharshylyq jyldary keıbir aýyldar túgelimen joq bolyp ketti. Munyń barlyǵy sol kezdegi keńestik bıliktiń, totalıtarlyq saıasattyń qoldan jasaǵan zulmaty edi. Asharshylyqtyń aldyndaǵy uıymdastyrý naýqandary talaı dáýirden qaltqysyz qalyptasqan kóshpeli qazaqtyń shańyraǵyn shaıqap, tirshilik qalybyn buzdy. Mundaı náýbetti qazaq eshýaqytta basynan keshirgen joq. Sondyqtan da biz Astananyń qaq tórinde asharshylyq qurbandaryna eskertkish ornatyp otyrmyz», - degen sózi keltirilgen.
22-24 mamyr aralyǵynda ótken V Astana ekonomıkalyq forýmy sheńberinde bolashaq energııasy jóninde ǵylymı kongress uıymdastyrylyp, onda balamaly energııa kózderin damytý máseleleri talqylandy. «Bolashaq energııasy» - Qazaqstannyń Astanada EKSPO-2017 kórmesin ótkizýge usynyp otyrǵan taqyryby. Osy oraıda «Egemen Qazaqstan» Ekonomıkalyq damý jáne saýda mınıstrligi Saýda komıtetiniń tóraǵasy Aıdar Qazybaevty áńgimege tartqan. Basylym tilshisiniń barlyq saýalyna tuşymdy jaýap bergen ol: «Shaǵyn jáne orta bıznes ıeleri úshin Astanadaǵy EXPO-2017 kórmesin ótkizý jańa energııa saqtaý tehnologııalarmen tanysýǵa jáne keıinnen olardy engizýge, ınvestorlar men bıznesti odan ári damytýǵa ıdeıalar izdeý úshin tamasha múmkindik bola alady», - deıdi. Suhbat «Bedeldi bıiktetetin bastama» degen taqyryppen jarııalanǵan.
***
«Alash aınasy» gazetiniń turaqty «Dat!» aıdarynda QR Bilim jáne ǵylym mıınstrligi Balalardyń quqyqtaryn qorǵaý komıtetiniń tóraǵaıymy Raısa Shermen aradaǵy suhbat «Eń basty paryzymyz - balanyń quqyǵy men erkindigin saqtaýdaǵy jaýapkershilikti kúsheıtý» degen taqyryppen berilgen. Basylym tilshisiniń barlyq saýalyna egjeı-tegjeıli jaýap bergen ol: «Qazaqstanda 149043 bala - múmkindigi shekteýliler qatarynda. Onyń 41741-i - mektepke deıingi jastaǵylar. Bilim berý júıesi salasynda olardy oqytatyn 102 túzetý mektebi, jalpy bilim berý mektepterinde 1155 arnaıy synyp, 20 beıimdeý ortalyǵy jumys isteıdi. Bir aıta keterligi, 21 myń múmkindigi shekteýli bala búgingi kúni óz qatarlastarynyń qasynda bilim alýda», - deıdi.
«Qazaqstan dollarǵa táýeldilikten úsh aıda aryla ala ma?». «Alash aınasy» gazetinde osy taqyryppen maqalada ótken aptanyń eń aıshyqty hám asa mańyzdy oqıǵalarynyń biri V Astana ekonomıkalyq forýmy aıasynda ótken álemdik valıýta máselesine arnalǵan paneldik sessııada bizge, ıaǵnı Qazaqstanǵa, óndirip jatqan munaıymyzdy shetelge dollarǵa emes, teńgege satý usynylǵandyǵy jazylǵan. Astana ekonomıkalyq forýmyna qatysqan ekonomıst Genrı Lıýdiń sózine sensek, munaıdy teńgemen baǵalap, teńgege satý arqyly qazaqtyń tól aqshasyn áp-sátte halyqaralyq valıýta deńgeıine shyǵarýǵa bolady. «Qazaqstan úshin muny úsh aıda isteýge bolady. Tek eń bastysy - qazaqstandyq úkimet munaı satqanda teńgemen esep aıyrysýǵa kóshýge sheshim qabyldaýy qajet», deıdi ekonomıst Genrı Lıý.
***
«Beısenbige qaraǵan tqúni, tańǵy saǵat 3,20-da jerasty dúmpýinen oıanǵan Almaty turǵyndarynyń birazy dúrligip, kóshege shyǵyp ketti. biraq olar kútkendeı zilzala qaıtalanǵan joq», - dep jazady «Aıqyn» gazeti búgingi sanyndaǵy «Azııa silkinip jatyr» degen taqyryptaǵy maqalasynda. Basylymnyń atap ótýinshe, jer dúmpýiniń oshaǵy Almatydan 148 shaqyrym jerdegi Toraıǵyr jotasyndaǵy Kókpek eldi mekenine jaqyn jerde, 20 shaqyrym tereńdikte bolǵan. Almatyda kúshi 4-5 baldyq jer silkinisi túngi saǵat 03,20-da tirkelgen.
Qazaqstandyq kóripkel, «Bıtvy ekstransensov» baıqaýynyń fınalıstkasy Baqyt Jumatova shekarashylardyń ólimin qastandyqqa joryp, qanisherlerdiń qaıda tyǵylǵandyǵyn da jobalap kórsetip bergen. «Eksperss-K» gazetiniń jazýynsha, ol oqıǵanyń terakt ekendigin, qylmyskerler shekara asyp kelmegendigin, olardyń barlyǵy da Qazaqstan azamattary ekendigin aıtqan. «Barlyǵy da keshki saǵat 10-12-lerde oryn aldy. Kesheniń ózinde men saǵat besterdiń shamasynda túsiniksiz qorqynysh sezimdi bastan ótkerdim. Bul qylmysty jasaǵandar qazirgi ýaqytta taýdan túip ketti. Qazirgi ýaqytta qylmyskerler Óskemen qalasynda. Men shekarashylar arasynda satqynnyń bolǵanyn kórip otyrmyn», - depti kóripkel.
***
«Kazahstanskaıa pravda» gazetiniń jazýynsha, keshe Qazaqstan Respýblıkasynyń Prezıdenti Nursultan Nazarbaev BUU Bas hatshysynyń orynbasary, BUU-nyń Jenevadaǵy bóliminiń Bas dırektory Qasym-Jomart Toqaevty qabyldady. Memleket basshysy Qasym-Jomart Toqaevqa Álemdik jáne dástúrli dinder kóshbasshylarynyń ІV sezinde oqylǵan BUU-nyń Bas hatshysy Pan Gı Mýnnyń quttyqtaýy úshin rızashylyǵyn bildirdi. Óz kezeginde BUU-nyń Jenevadaǵy bóliminiń Bas dırektory forýmnyń tabysty ótkenine toqtalyp, jahandyq turaqtylyqtyń saqtalýy úshin dinaralyq únqatysýdy ornyqtyrý mańyzdy ekenin atap ótti.