Qazaqstan demokratııalyq damýda taǵy bir nyq qadam jasady – ShYU ókili
«Mıssııa músheleri saılaý kúni daýys berý sáti bastalǵannan, daýysty sanaýǵa deıingi protsesti qadaǵalady. Saılaý barysyn qadaǵalaý Nur-Sultan qalasy men Qazaqstannyń basqa da óńirlerinde júzege asyryldy. Sonymen qatar ShYU-nyń mıssııa músheleri Qytaıdaǵy Qazaqstannyń elshiliginde saılaýdyń ótý barysyna monıtorıng júrgizdi. Saılaý kúni qarsańynda jáne saılaý kúni bizdiń ókilder barlyǵy 118 saılaý ýchaskesine bardy. Saılaý ýchaskelerinde jumys barlyq talaptarǵa saı júrgizildi», - dedi Shanhaı yntymaqtastyq uıymy bas hatshysynyń orynbasary, mıssııa basshysy Chjan Haıchjoý elordada táýelsiz halyqaralyq baıqaýshylardyń qatysýymen ótken baspasóz máslıhatynda.
Onyń aıtýynsha, saılaý kezinde daýys berýshilermen qatar baıqaýshy jáne BAQ ókilderine teńdeı jaǵdaı jasalǵan.
«Jalpy saılaý protsesi jáne saılaý komıssııasynyń jumysy ashyq ári ádiletti túrde ótti. Baıqaýshylardyń suraqtary men ótinishterine saılaý ýchaskelerinde ýaqytyly jaýap berilip otyrdy. Taǵy bir erekshe aıtyp ótetin sát, saılaýaldy jumystar jáne saılaýdyń ótý barysy BAQ betterinde keńinen nasıhattaldy. Qazaqstan demokratııalyq damý jolynda taǵy bir nyq qadam jasady. ShYU mıssııasy atynan Qazaqstannyń memlekettik, ekonomıkalyq –áleýmettik odan ári damýyna sáttilik tileımin», -dedi ol.