Qazaqstan delegatsııasy TASSR-diń 100 jyldyǵyna arnalǵan sharaǵa qatysýda

QAZAN. QazAqparat - Qazaqstan Respýblıkasynyń Aqparat jáne qoǵamdyq damý mınıstri Aıda Balaeva Qazan qalasyna jumys sapary aıasynda Tatarstan Respýblıkasynyń Prezıdenti Rýstam Mınnıhanovpen kezdesti, dep habarlaıdy QazAqparat tilshisi.

«Qosh keldińiz! Isámesez?»,- dep qarsy aldy R.Mınnıhanov Qazaqstan delegatsııasyn.

A.Balaeva Tatar ASSR-diń 100 jyldyǵyna arnalǵan saltanatty is-sharaǵa qatysýǵa shaqyrǵany úshin respýblıka basshylyǵyna alǵysyn bildirip, Qazaqstan men Tatarstan arasyndaǵy qarym-qatynastardyń shynaıy dostyq sıpatyn erekshe atap ótti.

Sondaı-aq, búgin Tatarstan Respýblıkasyna jumys sapary aıasynda aqparat mınıstri Tatarstan Respýblıkasynyń memlekettik keńesshisi Mıntımer Shaımıevpen kezdesý ótkizdi.

Budan bólek, sapar barysynda AQDM basshysy «Tatmedıa» respýblıkalyq baspasóz jáne buqaralyq kommýnıkatsııalar agenttiginiń basshylyǵymen kezdesedi. Qazaqstan delegatsııasy Qazandaǵy tarıhı-mádenı mańyzy bar birqatar nysandardy aralap, Tatar ASSR-niń 100 jyldyǵyn merekeleýge arnalǵan is-sharalarǵa qatysady.