Qazaqstan delegatsııasy EQYU-nyń qysqy sessııasyna qatysady

ASTANA. QazAqparat – Qazaqstan delegatsııasy EQYU Parlamenttik Assambleıasynyń Venadaǵy qysqy sessııasyna qatysady. Bul týraly Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«2023 jylǵy 23-24 aqpan kúnderi aralyǵynda Vena qalasynda ótetin Eýropadaǵy qaýipsizdik jáne yntymaqtastyq uıymy Parlamenttik Assambleıasynyń qysqy sessııasyna Parlament Senaty Halyqaralyq qatynastar, qaýipsizdik jáne qorǵanys komıtetiniń tóraǵasy, EQYU Parlamenttik Assambleıasy tóraǵasynyń orynbasary Asqar Shákirov bastaǵan Senat delegatsııasy qatysady», - dedi resmı ókil vedomstvoda ótken aptalyq brıfıng barysynda.

Onyń atap ótýinshe, is-shara aıasynda qazaqstandyq delegatsııanyń sóz sóıleýi, komıtet otyrystarynyń talqylaýlaryna qatysýy, sondaı-aq Parlamenttik assambleıa basshylyǵymen kezdesýleri josparlanǵan.