Qazaqstan delegatsııasy EQYU-nyń antısemıtızm konferentsııasyna qatysady

ASTANA. QazAqparat - Qazaqstan delegatsııasy Eýropadaǵy qaýipsizdik jáne yntymaqtastyq uıymynyń (EQYU) antısemıtızm konferentsııasyna qatysady. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

Onyń atap ótýinshe, 4-5 aqpanda Bratıslava qalasynda Slovakııanyń EQYU-ǵa tóraǵalyǵy aıasyndaǵy alǵashqy iri shara - Antısemıtızmge qarsy kúres jónindegi EQYU-nyń halyqaralyq konferentsııasy ótedi.

«Konferentsııadaǵy Qazaqstan delegatsııasyn QR SІM orynbasary Roman Vasılenko basqarady. Bratıslavaǵa sapar barysynda onyń EQYU-nyń qazirgi tóraǵasy - Slovakııanyń Syrtqy jáne Eýropa isteri mınıstri Mıroslav Laıchakpen, sonymen qatar eldiń birqatar memlekettik organynyń basshylarymen ekijaqty kezdesýler ótkizetindigi josparlanǵan», - dedi A.Smadııarov.