Qazaqstan delegatsııasy Bakýde ótip jatqan saýda-ekonomıkalyq mıssııaǵa qatysýda
«Úlken delegatsııamen Bakýge keldik. Munda saýda-ekonomıkalyq mıssııa ótedi, oǵan tamaq ónerkásibi, mashına jasaý, IT, medıtsına, metall ılegi, munaı hımııasy, qurylys materıaldary men jabdyqtaryn óndirýmen aınalysatyn kompanııalarymyz qatysady.
Aıta keteıik, biz jolda bolǵanda, IT-sheshimder salasynda jumys isteıtin jergilikti, ázirbaıjandyq kompanııa Qazaqstanda bıznes-seriktester men óndirýshiler izdeýde ekenin aıtqan bolatyn.
Bizdiń kompanııalarymyz óz ónimderin jáne eksporttyq múmkindikterin túrki áleminiń barlyq elderine usynady-Bizdiń mıssııamyz Túrkitildes memleketter yntymaqtastyǵy keńesiniń ekonomıka jáne saýda mınıstrleriniń 10-shy otyrysy kúnderi ótýde.
Jaqynda men saýda-ekonomıkalyq mıssııalardyń jumysyna synı baǵa bergenin oqydym, olarjdyń nátıjesi men áseri joq degen sekildi oı shyǵady eken. Men buǵan kelispeımin. Ótkizilgen alty saýda-ekonomıkalyq mıssııalar arqasynda jyl basynan beri 163 mıllıonǵa 40 kelisimshart jasaldy. Taǵy bir júz mıllıon jańa kelisimsharttardan kútiledi - olar qazir qol qoıýǵa daıyndyq kezeńinde» dep jazdy mınıstr.
Vedomstvo basshysynyń aıtýynsha, s aýda-ekonomıkalyq mıssııaǵa qatysý 100% kelisim-shart jasasýǵa kepildik bermeıdi, biraq ártúrli elder bıznesiniń jeke baılanystary nyǵaıyp keledi.
«Bıznes bir-birimen tanysyp jatqanda, biz ázerbaıjandyq áriptesterimizben úkimetaralyq komıssııanyń kezekti 11 otyrysyn ótkizemiz.
Kún tártibinde saýda-ekonomıkalyq yntymaqtastyqtyń barlyq salalaryn qamtıtyn máseleler bar. Onyń ishinde, eki el bıznes ortalarynyń dıalogy úshin «Qazaqstan - Ázerbaıjan Іskerlik keńesi» platformasyn qurý da bar.
Búgin biz Ázerbaıjan ekonomıka, qorǵanys ónerkásibi, kólik, baılanys jáne joǵary tehnologııalar mınıstrlikteriniń basshylarymen ekijaqty kezdesýler ótkizemiz» dep túıdi sózin Baqyt Sultanov.