Qazaqstan delegatsııasy AQSh-ta birqatar kezdesýge qatysady – SІM
Sapar aıasynda Birikken Ulttar Uıymy basshylyǵymen kezdesýler josparlanǵan.
«Atap aıtqanda, 2030 jylǵa deıingi kezeńge arnalǵan kún tártibi, Aýǵanstandaǵy ahýal, quqyqtyq, bitimgershilik, Ortalyq Azııa óńirindegi damý jáne qaýipsizdik, sondaı-aq Ortalyq Azııa men Aýǵanstan elderi úshin Ornyqty damý maqsattary boıynsha BUU Óńirlik ortalyǵyn qurýdy qosa alǵanda, qazaqstandyq bastamalardy ilgeriletý boıynsha yntymaqtastyq talqylanatyn bolady», - dedi A. Smadııarov elordada ótken baspasóz máslıhatynda.
Sonymen qatar Qaırat Omarov BUU Qaýipsizdik keńesiniń Taıaý Shyǵys boıynsha ashyq pikirtalasyna qatysady.
«2023 jylǵy 27-28 sáýirde Qazaqstan Respýblıkasy Syrtqy ister mınıstriniń birinshi orynbasary Vashıngtonǵa barady. Sapar barysynda saıası, saýda-ekonomıkalyq jáne mádenı-gýmanıtarlyq salalardaǵy árekettestiktiń jaǵdaıy men perspektıvalaryn talqylaý úshin AQSh Ákimshiliginiń ókilderimen jáne Memlekettik departament basshylyǵymen birqatar kezdesý josparlanǵan», - dedi resmı ókil.
Budan buryn habarlanǵandaı, 2023 jylǵy 26-27 sáýirde Qazaqstan Premer-Mınıstriniń orynbasary – Syrtqy ister mınıstri Murat Nurtileý bastaǵan qazaqstandyq delegatsııa Sıan qalasynda ótetin «Ortalyq Azııa –Qytaı» dıalog formatyndaǵy Syrtqy ister mınıstrleriniń 4-shi keńesine qatysady.