Qazaqstan DDU birlesip medıtsınalyq kómek ortalyǵyn qurdy
Dóńgelek ústel barysynda qatysýshylar Almatyda (Qazaqstan) ornalasqan DDU Eýropalyq alǵashqy medıtsınalyq-sanıtarlyq kómek ortalyǵynyń jumysy arqyly aımaqta jáne búkil álemde alǵashqy medıtsınalyq-sanıtarlyq kómekti nyǵaıtý salasynda DDU-nyń Qazaqstanmen yntymaqtastyǵy sheńberinde qol jetkizgen tabystary týraly aıtty.
2016 jyly DDU men Qazaqstan birlesip DDU Eýropalyq alǵashqy medıtsınalyq-sanıtarlyq kómek ortalyǵyn qurdy.
«Almaty qalasynda ornalasqan DDU-nyń Eýropalyq bıýrosynyń geografııalyq jaǵynan qashyq ornalasqan aımaqtyq ofısi. Ortalyq aımaqtyq bıýronyń alǵashqy medıtsınalyq-sanıtarııalyq kómek baǵdarlamasyn iske asyrýdy basqarady. DDSU-nyń alǵashqy medıtsınalyq-sanıtarııalyq kómek jónindegi Eýropalyq ortalyǵy Eýropadaǵy alǵashqy medıtsınalyq-sanıtarııalyq kómek salasyndaǵy saıası reformalardyń qaınar kózi bolýǵa umtylady. Múshe memleketterge pragmatıkalyq jáne pármendi saıası usynymdar berý arqyly Ortalyq mańyzdy nátıjelerge qol jetkizý úshin Almaty jáne Astana deklaratsııalarynda qabyldanǵan strategııalyq tujyrymdamany iske asyrýǵa umtylady»,- DDU EAB dırektory Hans Klıýge.
Onyń aıtýynsha, sońǵy eki jylda DDU-nyń alǵashqy medıtsınalyq-sanıtarııalyq kómek jónindegi Eýropalyq ortalyǵy óziniń jańa tujyrymdamasyn álemniń ózgerip jatqan qajettilikterine beıimdeı otyryp, óz jumysynyń qarqynyn edáýir arttyrýǵa qol jetkizdi.
Alǵashqy medıtsınalyq-sanıtarlyq kómek DDU-nyń kún tártibinde basty oryn alady. Pandemııaǵa baılanysty barlyq Eýropa elderi alǵashqy medıtsınalyq-sanıtarııalyq kómek qazir burynǵydan da mańyzdy ekenin moıyndady.
«DDSU-nyń Almatydaǵy alǵashqy medıtsınalyq-sanıtarııalyq kómek jónindegi Eýropalyq ortalyǵy joǵary deńgeıdegi aımaqtyq jáne jahandyq is-sharalarǵa qatysady, eń jańa málimettermen bólisý úshin strategııalyq baıandamalar men eldik sholýlar jasaıdy, elder arasyndaǵy dıalog alańdaryn uıymdastyrady, tájirıbe almasý jáne qarym-qatynas ornatý úshin uıymdar men jeke tulǵalardy jınaıdy, sondaı-aq halyqaralyq yntymaqtastyqty qamtamasyz etý maqsatynda damý baǵdarlamalaryn júrgizedi. Alǵashqy medıtsınalyq-sanıtarııalyq kómektiń tıimdi júıelerin ázirleý, iske asyrý jáne monıtorıngteý jáne olarǵa basshylyq jasaý»,- deıdi ol.
QR Densaýlyq saqtaý mınıstri Ajar Ǵınııattyń aıtýynsha, búginde eldegi MSAK uıymdarynda 12 myńnan astam ýchaske jumys istep, onda 9 myń jalpy praktıka dárigeri patsıentterdi qabyldaıdy.
«Jalpy, 2020-2021 jyldar aralyǵynda 93 medıtsınalyq-sanıtarııalyq alǵashqy kómek ortalyǵy ashyldy. Sonymen qatar, 2025 jylǵa qaraı 500-ge jýyq MSAK nysanyn salý jáne ashý josparda, onyń ishinde 420-sy aýyldyq jerde paıda bolady. Sondaı-aq 350 MSAK nysany kúrdeli jóndeýden ótedi. Medıtsınalyq uıymdardy qarjylandyrý biryńǵaı tarıfter júıesi arqyly júzege asyrylady»,- dedi Ajar Ǵınııat.
Mınıstr pandemııa kezinde úlken júkteme MSAK deńgeıine túskenin eske saldy. 150 myńnan astam naýqas tek MSAK deńgeıinde ǵana belsendi boldy jáne elimizdiń densaýlyq saqtaý júıesi bul synaqty laıyqty oryndap shyqty.
DDU-nyń MSAK jónindegi eýropalyq ortalyǵynyń basshysy Melıtta ıAkabtyń sózinshe, COVID-19 pandemııasy kezinde kóptegen elder alǵashqy medıtsınalyq-sanıtarlyq kómektiń shynaıy áleýetin tolyǵymen túsindi.
«Búgin biz DDU-nyń alǵashqy medıtsınalyq-sanıtarlyq kómek jónindegi Eýropalyq Ortalyǵynyń sońǵy eki jyldaǵy jumysynyń nátıjelerin usynyp otyrǵanymyzǵa qýanyshtymyn. COVID-19 pandemııasy kezinde kóptegen elder alǵashqy medıtsınalyq-sanıtarlyq kómektiń shynaıy áleýetin tolyǵymen túsindi. Biz tehnıkalyq saraptamaǵa negizdelgen pandemııa kezindegi elderdiń is-áreketteri men tujyrymdaǵan sabaqtaryn jınaqtap biregeı resýrstarǵa biriktire aldyq. Mysaly, analıtıkalyq sholýlar, eldik sholýlar, múshe-memleketterge arnalǵan konsýltatsııalar, «Alǵashqy medıtsınalyq-sanıtarlyq kómek týraly sóıleseıik» tok-shoýy, alǵashqy medıtsınalyq-sanıtarlyq kómek jumysyn basqarý boıynsha trenıngter jáne taǵy basqalary. Ortalyq barlyq 53 Eýropalyq múshe-memleketterdiń alǵashqy medıtsınalyq-sanıtarlyq kómek júıesin nyǵaıtýǵa qoldaý kórsetedi jáne tehnıkalyq kómek kórsetý úshin 20 elmen tyǵyz jumys isteýde»,- dedi Melıtta ıAkab.