Qazaqstan COVID-19-ben syrqattaný kórsetkishi boıynsha 105 orynda tur

NUR-SULTAN. QazAqparat –QR Densaýlyq saqtaý mınıstriniń birinshi orynbasary Marat Shoranov Úkimet otyrysynda Qazaqstannyń epıdahýal boıynsha álem elderiniń arasnyda qandaı orynda turǵanyn atady, dep habarlaıdy QazAqparat tilshisi.

«Álemde KVI-diń 248 mıllıonnan astam jaǵdaıy tirkelgen. Táýligine 300 myńnan astam jaǵdaı tirkeledi. 5 mıllıonnan astam adam qaıtys boldy.

Dúnıejúzilik densaýlyq saqtaý uıymynyń Eýropa óńiriniń derekteri boıynsha sońǵy eki aptada 53 eldiń 45-inde syrqattanýdyń ósýi baıqalady», - dedi Marat Shoranov.

Vıtse-vınıstrdiń deregi boıynsha, sońǵy 14 kúnde syrqattaný deńgeıi Majarstanda barynsha ulǵaıǵan.

«Bul elde aýrý 230 paıyzdan artyq, Polshada – 200 paıyzdan artyq, Aýstrııada – 100 paıyzdan artyq, Ázerbaıjan jáne Germanııada 80 paıyzdan artyq ósken.

Syrqattanýdyń ósýi Eýropanyń 9 elinde tómendedi. Onyń ishinde Izraılde 57 paıyz, Túrkııada 9 paıyz, Ispanııada 7 paıyz kemigen. Qazaqstanda sońǵy eki aptada aýrý 11 paıyz tómendedi.

Álemdik reıtıngke sáıkes 222 eldiń ishinde Qazaqstan syrqattaný kórsetkishi boıynsha 105 orynda, ólim kórsetkishi boıynsha 102 orynda tur», -dedi vıtse-mınıstr.