Qazaqstan tsıfrlyq áleýetti damytýǵa qolaıly elder qataryna endi

ASTANA. QazAqparat – Qazaqstanda bızneske tsıfrlyq tehnologııalardy engizý jáne jalpy tsıfrlandyrý qarqyny joǵary. «E-Government» júıesin damytý boıynsha elimiz álemdik reıtıngide 28-shi orynǵa turaqtady, dep habarlaıdy QazAqparat tilshisi Finprom.kz resýrsyna silteme jasap.

Finprom.kz málimetinshe, aǵymdaǵy jyly Qazaqstan 193 eldiń arasynda elektrondyq úkimettiń damý deńgeıi reıtıngisinde bir satyǵa kóterilip, 28-shi orynǵa ornalasty. Bul TMD jáne Ortalyq Azııa elderi arasyndaǵy eń joǵary kórsetkish. Nátıjesinde elimiz Irlandııa, Kanada, Italııa, Belgııa jáne Chehııa sııaqty damyǵan elderden ozyq shyqty.

Sonymen qatar Qazaqstan elektrondyq úkimet qyzmetterin qoldaný kórsetkishteri boıynsha álemdik reıtıngide 15-shi orynǵa kóterildi. Budan ózge, tsıfrlandyrýdyń damý qarqyny joǵary 90 eldiń ishinde 20-shy orynǵa turaqtady. Osylaısha, elimiz tsıfrlyq áleýetin odan ári damytýǵa qolaıly elder qataryna endi.