Qazaqstan chempıonatynda Astana Tarazben teń oınap, Aqtóbeni uzatyp aldy

NUR-SULTAN. QazAqparat – Fýtboldan Qazaqstan chempıonatynyń 17-týrynda «Taraz» óz alańynda kóshbasshylardyń biri «Astana» klýbyn qabyldady, dep habarlaıdy QazAqparat tilshisi.

Tartysty ótken matchta aldymen 19-mınýtta alań ıelerinen Abylaıhan Jumabek esep ashty.

Oıyn sońyna taman «Astana» sapynda alańǵa shyqqan frantsııalyq legıoner Kılan Lebon 82-mınýtta tarazy basyn teńestirip ketti.

Bir ǵana upaıdy qanaǵat tutqan elordalyqtar (31 upaı) burynǵysha ekinshi orynda keledi. Al kósh basyndaǵy «Aqtóbe» (35 upaı) tórt upaıǵa uzap ketti.

Taǵy bir básekede «Kaspıı» Aqtaýda almatylyq «Qaıratpen» teń tústi – 2:2. Birinshi taımda qonaqtar Artýr Shýshenachev pen Vıacheslav Shvyrevtiń golynan keıin 2:0 esebimen alǵa ketti. Áıtse de ekinshi kezeńde Pavel Kıreenko men Ivan Peshıch eki mınýttyń ishinde 2 gol soǵyp, qarymta qaıyrdy.

«Qaırat» 27 upaımen úzdik úshtikke jaqyn tursa, «Kaspıı» (22 upaı) 8-satyda.

Eske sala keteıik, budan buryn el chempıonatynda «Atyraýdy» utqan «Aqjaıyqtyń» onynshy orynǵa kóterilgenin jazǵan bolatynbyz.

Sondaı-aq «Aqtóbe» týrnır kestesindegi pozıtsııasyn jaqsartty .

Qazaqstan chempıonatynda «Qyzyljar» «Turandy» tize búktirdi .