Qazaqstan bıýdjettiń ashyqtyǵy jónindegi reıtıngte kórsetkishin jaqsartty
Bul týraly «Sandj» zertteý ortalyǵynyń jetekshisi Janar Jandosova QR Qarjy mınıstrliginde ótken brıfıngide aıtty.
«Bizdegi bıýdjet júıesi shamamen Reseıdegige uqsas. Degenmen, reseı halyqaralyq reıtıngete 733 ball jınady. Biz olarda 10 ball az alyp otyrmyz», - dedi Janar Jandosova.
Aıtýynsha, 2021 jyldyń qorytyndysy boıynsha Qazaqstan onyń aldyndaǵy kórsetkishke qaraǵanda 5 ball kóbirek alǵan. Burynǵy 58 baldyń ornyna 63 ball jınaýynyń arqasynda elimiz Qyrǵyzstan men Monǵolııany aldyna shyqqan.
«Qazaqstan 2019 jyly bıýdjet týraly shekteýli aqparat qana usynǵan edi. Bul joly azamattyq qoǵamǵa da aqparat usynyp otyrmyz. Bul qoǵam arasynda erkin pikirtalastar bolýyna jaǵdaı jasaıdy. Bıyl Qazaqstan Qyrǵyzstan men Monǵolııanyń aldyna shyqty. Ázerbaıjan, Túrkııa jáne Tájikstan ázirge tómende tur», - dedi ortalyq basshysy.
Aıta keteıik, osy aıdyń basynda 2022–2024 jyldarǵa arnalǵan respýblıkalyq bıýdjet týraly zańǵa ózgeris engizilgen edi.