Qazaqstan byltyr 21,7 mlrd dollardyń shıkizattyq emes taýaryn eksporttady

ASTANA. QazAqparat – Saýda jáne ıntegratsııa mınıstrliginiń keńeıtilgen alqa otyrysynda vedomstvo basshysy Serik Jumanǵarın byltyrǵy jyly atqarylǵan jumystardyń qorytyndysyn jarııalady, dep habarlaıdy «QazAqparat» tilshisi.

«Ótken jyldyń 10 aıynyń qorytyndysy boıynsha shıkizattyq emes taýarlardyń eksporty 2021 jyldyń sáıkes kezeńimen salystyrǵanda 34,8%-ǵa artyp, 21,7 mlrd dollarǵa jetti. 2021 jyly onyń kólemi 16,1 mlrd dollar bolǵan edi. Munymen qosa, 9 aıdaǵy eksporttyq qyzmetter 31%-ǵa ulǵaıyp, 5,5 mlrd dollar boldy», - dedi mınıstr.

Onyń aıtýynsha, bıyl «Eksporttyq-kredıttik agenttik týraly» QR Zańyn qabyldaý jáne eksporttyq saýdany qarjylandyrý tetikterin damytý josparlanyp otyr.

«Sondaı-aq, eksport geografııasyn keńeıtý boıynsha eksporttaýshylarǵa belsendi qoldaý kórsetip, tıisti sharalar qabyldaýdy jalǵastyramyz. Keshendi jumystar negizinde 2025 jylǵa qaraı Qazaqstannyń shıkizattyq emes taýar eksportynyń kólemin 41 mlrd dollarǵa jetkizý kózdelip otyr», - dep túıindedi Serik Jumanǵarın.