Qazaqstan BUU-ny Azııaǵa kóshirýge nıetti - Japonııanyń «The Diplomat» basylymy
Avtor Qazaqstan Prezıdentiniń buǵan deıin BUU-nyń minberinen 2011 jyly sóz sóılegenin atap ótip, qazaqstandyq kóshbasshynyń osy jolǵy sóılegen sózinde BUU-ǵa joǵary baǵa berilip, sondaı-aq qazirgi álemdik tártipke syn aıtqanyn atap ótýde. «N.Nazarbaev 70 jyl buryn BUU-ǵa elý bir memleket kirip qurylǵanyn, ol kezde álemniń kóp bóligin kolonııalar men táýeldi aýmaqtar qurap otyrǵanyn málimdedi. Qazirgi kezde álemdik qaýymdastyqtyń quramynda 193 táýelsiz el bar. N.Nazarbaev BUU-ǵa sol arqyly 70 jyl burynǵy shyndyqty emes, zamanaýı álemdi kórsetýi qajet degen belgi berdi», - delingen materıalda.
«The Diplomat» Qazaqstan lıderiniń ekonomıkalyq sıpatta jasaǵan usynystardyń qatarynda BUU-nyń Ekonomıkalyq jáne Áleýmettik keńesin Jahandyq damytý keńesine ózgertip, oǵan jahandyq ekonomıkalyq rettegish qyzmetterin berý usynysyn atady. Keńes iske asyryp otyrǵan jalpyálemdik jobalar jahandyq ekonomıkalyq ósim núktelerine aınalýy múmkin edi. Bul jahandyq daǵdarystyń oryn alý qaýpin aıtarlyqtaı tómendetýge kómektesedi. «Ol, sondaı-aq, ulttan tys álemdik valıýtany ázirleý usynysyn jasady», - dep jazady basylym.
Maqalada N.Nazarbaevtyń ıadrolyq qarýǵa qarsy bastamalary erekshe atap ótiledi. «El Keńes Odaǵynyń ydyraýynan keıin kólemi jaǵynan tórtinshi ıadrolyq arsenaldan óz erkimen bas tartty. Onyń aýmaǵynda MAGATE qaraýyndaǵy tómen baıytylǵan ýrannyń halyqaralyq banki qurylmaq, bul beıbit atom energetıkasyn damytyp otyrǵan memleketter úshin turaqty jetkizilimderdi qamtamasyz etedi», - dep atap ótedi avtor.
Maqalanyń sońynda Qazaqstan basshysynyń álemdik kún tártibiniń mańyzdy máseleleri - lańkestik, memleketterdi qıratý, mıgratsııa jáne ózge de jaǵymsyz qubylystar ekonomıkalyq daǵdarys, kedeılik, saýatsyzdyq jáne jumyssyzdyqtyń saldary bolyp tabylatyny týraly sózderi keltirilgen.
«Egemen Qazaqstan» gazeti