Qazaqstan BUU QK turaqty emes múshesi qyzmetine kiristi
Elimiz bul mindetti 2018 jyldyń sońyna deıin atqarmaq. Atalǵan mıssııa Qaýipsizdik keńesinde tóraǵalyq etýge, otyrys shaqyrýǵa jáne talqylanatyn kún tártibin túzýge quqyq beredi. Sonymen birge, respýblıkamyz úshin ózekti máselelerdi kóterip, álem nazaryn aýdarýǵa múmkindik týyp tur, dep jazady khabar.kz.
Eske sala keteıik, Qazaqstan Birikken Ulttar Uıymy Qaýipsizdik keńesiniń turaqty emes múshesi bolyp 2016 jyldyń 28 maýsymynda saılandy. Bizdiń kandıdatýrany 138 memleket qoldaǵan. Qazaqstan - álemdik mańyzy zor uıymnyń saıası organyna saılanǵan Ortalyq Azııadaǵy alǵashqy el. Sonymen qatar, halyqaralyq qaýymdastyqtyń Bas hatshysy aýysty. Pan Gı Mýnnyń ornyna Antonıo Gýterresh keldi. Toǵyzynshy Bas hatshy 5 jyldyq merzimge arnalǵan basym baǵyttardy belgilep, eń basty mindet Sırııadaǵy áskerı qaqtyǵysqa núkte qoıý ekenin málimdep te úlgerdi. Sondaı-aq Gýterresh Birikken Ulttar Uıymyn qaıta qurylymdaýǵa nıetti. Mundaı sharalar álem qaýymdastyǵynyń uıymǵa degen senimin nyǵaıtý úshin qajet.