Qazaqstan BUU QK-niń Aýǵanstanǵa arnalǵan ashyq pikirtalasyna qatysty
Bul otyrysta baıandamashylar retinde Aýǵanstanǵa kómek kórsetý jónindegi BUU mıssııasynyń basshysy Tadamıchı ıAmamoto, BUU Esirtki jáne qylmys boıynsha basqarmasynyń Atqarýshy dırektory ıÝrıı Fedotov, BUU QK 1988 «Talıban/Aýǵanstan» boıynsha sanktsııalyq komıtetiniń tóraǵasy Qaırat Omarov, sondaı-aq Aýǵanstandaǵy Beıbitshilik boıynsha Joǵary keńsesiniń múshesi Vadjma Frog sóz sóıledi.
Sonymen qatar, BUU Qaýipsizdik keńesiniń músheleri jáne basqa da múddeli memleketterdiń ókilderi óz baıandamalaryn jasady.
Qatysýshylar Aýǵanstandaǵy qıyn jaǵdaıdy, sonyń ishinde terrorıstik áreketter sanynyń ósýin, soltústik aımaqtarda DAISh jaýyngerleriniń kóbeıip, eldegi esirtki óńdirisiniń ósýin talqylap ótti. Sonymen qatar, Aýǵanstan Úkimeti men halyqaralyq qoǵamdastyqtyń eldegi jaǵdaıdy turaqtandyrý jónindegi sharalardyń, ulttyq tatýlastyrý, ekonomıkalyq damý, áıelderdiń quqyqtaryn qorǵaý jáne ilgeriletý, aldaǵy eki jylda prezıdenttik jáne parlamenttik saılaýdy sapaly daıyndaý jáne ótkizý boıynsha máselerdiń mańyzdylyǵyna erekshe kóńil aýdaryldy.
Kóptegen memleketter óz sózderinde BUU Qaýipsizdik Keńesindegi Ortalyq Azııadan shyqqan alǵashqy múshesi sanalatyn Qazaqstanǵa onyń Aýǵanstan men Ortalyq Azııa aımaǵyndaǵy qaýipsizdikti qamtamasyz etý máselelerine aıryqsha nazar aýdarǵany úshin óz alǵystaryn bildirdi. Olardyń pikiri boıynsha, mundaı is-sharalar atalǵan óńirde qalyptasqan jaǵdaıdy tereńirek túsinýge septigin tıgizedi.
Qazaqstandyq delegatsııasynyń pikirine qaraǵanda, memleketter arasyndaǵy tyǵyz aımaqtyq ekonomıkalyq yntymaqtastyq aýǵan azamattarynyń beıbit áreketterge qatysýyna yqpal etip, qarýly toptarǵa jáne esirtki óndirisine qatysýyn azaıtatyn bolady. Bul eldegi jáne tutastaı alǵanda, aımaqtaǵy qaýipsizdik jaǵdaıyna oń áserin tıgizedi.
Q. Omarov Qazaqstannyń óńirlik ıntegratsııanyń turaqty jaqtaýshysy bolyp tabylatynyn jáne kóliktik ınfraqurylymǵa ınvestıtsııa salyp, Aýǵanstanǵa gýmanıtarlyq kómek kórsetetip kelgenin atap ótti.
Otyrysqa qatysýshylar halyqaralyq qoǵamdastyqtyń Aýǵanstandaǵy beıbitshilik pen gúldenýge qol jetkizýge járdemdesýge qoldan kelgendi aıamaıtyndyǵyn jetkizdi.