Qazaqstan BUU QK kúntártibindegi ózekti máselelerdi sheshýde belsendi ári ádil bolýǵa tyrysty - Nursultan Nazarbaev

NЬıÝ-IORK. QazAqparat - Qazaqstan BUU Qaýipsizdik keńesiniń  kúntártibindegi ózekti máselelerdi sheshýde belsendi ári ádil bolýǵa tyrysty. Bul týraly búgin atalǵan keńestiń «Jappaı qyryp-joıatyn qarýdy taratpaý: sharalar men senim» taqyrybyndaǵy otyrysynda sóz sóılegen Qazaqstan Prezıdenti Nursultan Nazarbaev aıtty, dep habarlaıdy QazAqparat.

«Biz Qazaqstannyń BUU Qaýipsizdik keńesiniń turaqty emes múshesi bolyp saılanýyn jáne búgingi tóraǵalyq qyzmetimizdi álemdik qoǵamdastyqtyń elimizge jáne onyń beıbitshil saıasatyna degen senimi dep bilemiz. Ortalyq Azııanyń bul mártebeli qyzmettegi birinshi memleketi retinde biz óńirimizdegi halyqtardyń dúnıejúzilik uıymdaǵy ókili syńaılymyz», - dedi Elbasy.

Nursultan Nazarbaev Qazaqstannyń BUU Qaýipsizdik keńesindegi qyzmetiniń birinshi jyly ótkenin atap ótti.

«Biz keńestiń kúntártibindegi ózekti máselelerdi sheshý barysynda barynsha belsendi, konstrýktıvti jáne ádil bolýǵa tyrystyq. Aýǵanstan, Talıban, DAISh, Ál-Kaıda jáne Somalı Erıtreıa jónindegi komıtetterdi basqara otyryp, olardyń jemisti qyzmet etýine óz úlesimizdi qosyp kelemiz. Keńestiń barlyq múshe memleketterine berik yntymaqtastyǵy úshin rızashylyǵymdy bildiremin», - dedi Qazaqstan Prezıdenti.