Qazaqstan BUU Qaýipsizdik Keńesiniń turaqty emes músheligine óte myqty kandıdatýra - Djon Kerrı

ASTANA. QazAqparat - Qazaqstan 2017-2018 jyldarda BUU Qaýipsizdik Keńesiniń turaqty emes músheligine óte myqty kandıdatýra dep atap ótti AQSh Memlekettik hatshysy Djon Kerrı búgin Astanada Nazarbaev Ýnıversıtetinde ótken dárisinde.

«Bul turǵyda eshteńe aıta almaımyn, sebebi daýys berý qupııa júrgiziledi. Árıne, biz myqty kandıdatýralardy qoldaımyz. Osy oraıda, Qazaqstan myqty kandıdatýra ekeni anyq. Bizge sál kúte turý kerek jáne osy úrdis qalaı órbıtindigin kóretin bolamyz. Qazaqstannyń júzege asyrǵan bastamalary bizdi óte jigerlendiredi. Atap aıtqanda, sizder bitimgerlik baǵytta jáne kóptegen baǵdarlamalar boıynsha seriktes bolyp tabylasyzdar. Sondyqtan, Qazaqstan óte myqty kandıdatýra ekenin atap ótken jón»,-dedi Djon Kerrı stýdentterdiń saýalyna jaýap berý kezinde. Aıta keteıik, AQSh Memlekettik hatshysy Qazaqstanǵa saparmen keshe keldi.