Qazaqstan BUU Qaýipsizdik Keńesiniń otyrysynda bıologııalyq qaýipsizdik salasyndaǵy yntymaqtastyqty kúsheıtýge shaqyrdy

NЬıÝ-IORK. QazAqparat - Qazaqstannyń Nıý-Iorktegi BUU janyndaǵy Turaqty ókili Maǵjan Іlııasov jańa tehnologııalardyń halyqaralyq beıbitshilik pen qaýipsizdikke áserine arnalǵan «Arrııa formýlasy» boıynsha BUU Qaýipsizdik Keńesiniń otyrysyna qatysty. Bul týraly QazAqparat SІM silteme jasap habarlaıdy.

Otyrysqa qatysýshylar jasandy ıntellekt, tsıfrlyq tehnologııalar men bıotehnologııalardy qosa alǵanda, tehnologııalardyń qarqyndy damýy men qoldanylýyna baılanysty álem men jahandyq qaýipsizdik úshin artyqshylyqtar men syn-tegeýrinderdi qarastyrdy.

Jańa tehnologııalar adam progresine yqpal etetini, COVID-19 pandemııasymen kúreste, monıtorıngte, boljaýda jáne qashyqtyqtan dıagnostıkalaýda mańyzdy ról atqaratyny, aýyl sharýashylyǵyndaǵy, kóliktegi problemalardyń jańa sheshimderin qamtamasyz etetini, sondaı-aq 2030 jylǵa deıingi kezeńge arnalǵan Turaqty damý salasyndaǵy kún tártibin iske asyrýǵa yqpal etetini atap ótildi.

Sonymen birge, elder arasyndaǵy teńgerimsiz damý jáne ósip kele jatqan tehnologııalyq alshaqtyq, qarý-jaraq salasynda tehnologııalardy baqylaýsyz qoldaný táýekelderi osy saladaǵy halyqaralyq yntymaqtastyqqa jańa tásilder ázirleýdi talap etedi.

Otyrysqa qatysýshylar aldynda sóz sóılegen M. Іlııasov zamanaýı bıotehnologııalardy damytýǵa baılanysty táýekelderdi atap ótip, bıoqaýipsizdik salasyndaǵy yntymaqtastyqty kúsheıtýge shaqyrdy.

«Búgingi tańda bıologııalyq qarýdy baqylaý máseleleri 1972 jylǵy bıologııalyq qarý týraly Konventsııamen retteledi. Bul qujat shamamen 50 jyl buryn qabyldanǵan jáne sodan beri onyń mazmuny ózgergen joq. Búgingi kúnge deıin bekitilgen tekserý tetikteri bar bıologııalyq qaýipsizdik máselelerine jaýap beretin tolyqqandy uıym joq. Sondyqtan Qazaqstan Prezıdenti Qasym-Jomart Toqaev BUU Qaýipsizdik keńesine tikeleı esep beretin mamandandyrylǵan organ – Halyqaralyq bıologııalyq qaýipsizdik agenttigin qurýdy usyndy», – dedi M. Іlııasov.

Ol BUU Bas Assambleıasynyń 75-shi sessııasy barysynda aıtylǵan Qazaqstan basshysynyń bastamasy bıoqaýipsizdik týraly ǵylymı derekterdi jınaý jáne qorshaǵan ortaǵa ruqsat etilmegen kirýdi boldyrmaý úshin qoldanystaǵy bıomaterıaldardy baqylaý úshin quzyretti halyqaralyq organdy qalyptastyrýǵa baǵyttalǵanyn aıtty.

Otyrysqa BUU-ǵa múshe memleketterdiń 100-ge jýyq ókili, sondaı-aq BUU Bas hatshysynyń orynbasary, Qarýsyzdandyrý máseleleri jónindegi Joǵary ókili Izýmı Nakamıtsý, BUU Bas hatshysynyń saıasatty úılestirý jáne mekemearalyq qatynastar máseleleri jónindegi kómekshisi Marııa Francheska Spatolızano jáne Stokgolm beıbitshilik máselelerin zertteý ınstıtýtynyń aǵa ǵylymı qyzmetkeri Vınsent Býlanın qatysty.