Qazaqstan BUU Qaýipsizdik Keńesiniń brıfıngine qatysty

ASTANA. QazAqparat - BUU janyndaǵy Qazaqstannyń turaqty ókili Qaırat Omarov DAISh pen «Ál-Kaıda» uıymdaryna qatysty 1 267 Sanktsııalyq komıtettiń tóraǵasy retinde Qaýipsizdik Keńesiniń halyqaralyq beıbitshilik pen qaýipsizdik qaýip-qaterleri brıfınginde baıandama jasady. Bul týraly «QazAqparat» HAA QR SІM baspasóz qyzmetine silteme jasap habarlaıdy.

Q.Omarov Qaýipsizdik keńesi múshelerine saparlaýǵa tyıym salý, aktıvterdi buǵattaý jáne qarýly embargo sııaqty lańkestik áreketterge qatysy bar tulǵalar men halyqaralyq  terrorıstik uıymdarǵa qatysty BUU QK salǵan sanktsııalardy ustanýyn baqylaıtyn atalmysh sanktsııalyq komıtettiń 2017 jyly atqarǵan jumystary týraly málimdedi.

Q. Omarov 1267 sanktsııalyq rejımmen Uıymǵa múshe-memleketterdiń yntymaqtastyǵyn jandandyrýǵa, sonyń ishinde sanktsııalar tizimine jeke tulaǵalar men uıymdardyń ataýyn engizýge baǵyttalǵan Sanktsııalyq komıtettiń is-sharasyn atap ótti.

Qazaqstan 2017-2018 jyldardaǵy BUU Qaýipsizdik Keńesiniń turaqty emes múshesi jáne DAISh pen «Ál-Kaıda», «Talıban», Somalı men Erıtreıadaǵy uıymdarǵa qatysty úsh sanktsııalyq komıssııany basqarady.