Qazaqstan BUU Qaýipsizdik keńesi músheligine taǵy da kandıdatýrasyn usynady
«2016 jyly Qazaqstan BUU Qaýipsizdik keńesiniń turaqty emes múshesi bolyp saılandy. Bul halyqaralyq moıyndaýdyń bir belgisine aınaldy jáne de biz tek elimizde ǵana emes, búkil Ortalyq Azııa óńirin tıimdi pash ettik. Keńes jumysyna da úles qosyp kelemiz. Búginde biz mundaı tájirıbeni qaıtalaı alamyz dep úmittenemiz. Sondyqtan BUU Qaipsizdik keńesin saılaý barysynda Qazaqstannyń kandıdatýrasy qoldaý tabady dep úmit artamyz», - dedi Qaırat Omarov elordada «Qazaqstandaǵy Birikken Ulttar Uıymyna 30 jyl jáne BUU-nyń 2021-2025 jyldarǵa arnalǵan Turaqty damý yntymaqtastyǵy sheńberiniń Basqarýshy komıteti» taqyrybynda ótken is-shara barysynda.
Ol ótken jyldyń qazanynda Astanada Azııadaǵy ózara is-qımyl jáne senim sharalary keńesiniń sammıti ótkenin oǵan Ázerbaıjan, Belarýs, Irak, Iran, Qyrǵyzstan, Palestına, Tájikstan, Reseı, Túrkııa, Ózbekstan Prezıdentteri, Qatar ámiri, Vetnam vıtse-prezıdenti, QHR tóraǵasynyń orynbasary, mınıstr qatysqanyn atap ótti.
«Bul bastamalardyń ómirsheń ekendigin atap ótý mańyzdy. Bul túrli uıymdardy, onyń ishinde halyqaralyq uıymdardy ınstıtýtsııalandyrýdyń arqasynda oryn aldy. Osyndaı qysqa kezeń ishinde biz óte kóp birlesken jumysty atqara aldyq. Sonymen qatar Qazaqstan dinı ortalyqtar men órkenıetterdiń jahandyq ortalyǵyna aınaldy. Ótken jyly Álemdik jáne dástúrli dinder kóshbasshylarynyń VII sezi BUU qoldaýymen ótti», - dedi ol.