Qazaqstan BUU-daǵy tsıfrlaný deńgeıi joǵary 30 eldiń qatarynda – Prezıdent
«Qazirgi ýaqytta IT-tehnologııalardy damytýsyz memlekettiń turaqty ekonomıkalyq ilgerileýi múmkin emes. Sarapshylardyń boljamynsha, 10 jyldan keıin álemdegi ónimder men qyzmetterdiń 70% tsıfrlyq platformalyq modelderge negizdeledi. Mundaı jaǵdaıda Qazaqstan tsıfrlandyrýǵa qatysty aımaqtaǵy, tipti Eýrazııalyq keńistiktegi jetekshi elderdiń biri bolý strategııalyq mindetin alǵa qoıdy. Qazir Qazaqstan BUU-ǵa múshe tsıfrlaný deńgeıi joǵary 30 eldiń qataryna kiredi, bul máselege erekshe kóńil bólinedi», - dedi Memleket basshysy.
QR Prezıdentiniń aıtýynsha, Qazaqstan osy salada belsendi ózara is-qımyl jasaýǵa jáne tájirıbe almasýǵa daıyn.
«Astana» halyqaralyq qarjy ortalyǵy óńirlik jobalarǵa tikeleı jáne portfeldik ınvestıtsııalardy yntalandyrý úshin tıimdi platforma bola alady. AHQO álemdik qarjy ınstıtýttarynyń úzdik tájirıbesi men jańa quraldaryn qamtıdy. Ortalyqta 64 elden 1400-den astam kompanııa tirkelgen», - dedi Q. Toqaev.