Qazaqstan BUU bitimgerlik kontıngentindegi áıelder sanyn kóbeıtedi

<p>ASTANA. KAZINFORM &ndash; Búgin Parlament palatalarynyń birlesken otyrysynda BUU mıssııalaryna jiberiletin áskerı qyzmetshiler arasyndaǵy áıelder sanyn kóbeıtýge qatysty túsinik berildi.</p>

«Genderlik máselelermen aınalysatyn BUU-nyń departamenti áıelderdi bitimgerlikke qatystyrýdy eskeretin birqatar argýmentti ázirledi. Olardyń ishinde bitimger áıelder jergilikti áıelderdiń toptarymen jaqsy qarym-qatynas ornata alady jáne qaýipsizdikke qatysty barlaý derekterin jınaýdy jaqsartady degen dálel keltirgen. Osy oraıda BUU bólimshedegi áıelder sanyn 30 paıyzǵa deıin arttyrý týraly talap qoıdy. Qazaqstan bul talapty saqtaýdy óz mindetine ala ma? BUU mıssııalaryna jiberilgen áskerı qyzmetshiler arasynda neshe áıel bar?», - dep surady senator Aıgúl Qapbarova.

Óz kezeginde Qorǵanys mınıstri Rýslan Jaqsylyqov qazir Batys Saharada bir áıel ofıtser bar ekenin aıtty.

«Jiberiletin áskerı kontıngentte 7 áıel bolady. Kelesi rotatsııada áıelder sanyn kóbeıtemiz», - dedi mınıstr.

Olardyń arasynda dárigerler, aýdarmashylar, tehnıkalyq qyzmetkerler qamtamylady.

Budan buryn habarlanǵandaı, búgin Parlament qazaqstandyq áskerılerdiń BUU mıssııalaryna qatysýy týraly Joldaýyn maquldady.