Qazaqstan BUU Adam quqyqtary jónindegi keńesiniń 49-shy sessııasyna qatysty
Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.
BUU bas quqyq qorǵaý organynyń alańynda Qazaqstannyń Turaqty ókili qańtar oqıǵalaryna jan-jaqty jáne transparentti tergeýdi qamtamasyz etý boıynsha elimizde qabyldanyp jatqan sharalar, sondaı-aq «Jańa Qazaqstan» qurylysy sheńberinde júrgizilip jatqan reformalar men halyqtyń ómirlik mańyzy bar áleýmettik-ekonomıkalyq problemalaryn sheshý boıynsha Memleket basshysynyń bastamalary týraly aqparat usyndy.
M.Bachelettiń baıandamasyna Eýroodaq jáne Lıýksembýrg delegatsııalary óz málimdemelerinde qazaqstandyq bıliktiń qoıylǵan maqsattarǵa qol jetkizýge beıildiligin atap ótip, qańtar oqıǵalaryna ashyq jáne táýelsiz tergeýdi qamtamasyz etýge shaqyrdy.
Qazaqstandyq dıplomat atap ótkendeı, Keńestiń tolyqqandy jáne jaýapty múshesi retinde Qazaqstan BUU-nyń Adam quqyqtary jónindegi Joǵarǵy komıssar basqarmasymen jáne arnaıy rásimderimen turaqty dıalogty qoldaıdy, sondaı-aq eldegi adam quqyqtaryn qorǵaý maqsatynda halyqaralyq úkimettik emes uıymdarmen belsendi ózara is-qımyl jasaıdy.