Qazaqstan BUU adam quqyqtary boıynsha Bıýro Keńesine saılandy
Bul sheshim Azııa-Tynyq muhıty aımaqtyq tobynyń Jeneva qalasynda ótken kezdesýinde qabyldandy. Azııa tobynyń BUU AQK músheleri men baqylaýshylary Qazaqstan kandıdatýrasyn qoldady.
Keńes quramyna 47 memleket kiretini belgili. Olar ádil geografııalyq bóliný boıynsha saılanady. Búginde Azııa-Tynyq muhıty aımaqtyq toby BUU AQK ishindegi eń irisi.
Kezdesýde Jenevadaǵy BUU bólimshesi janyndaǵy QR Turaqty ókili, Elshi Muhtar Tileýberdi qatysýshylardy adam quqyǵynyń saqtalýy salasyndaǵy eldiń jetistikterimen tanystyrdy. Sonymen qatar BUU adam quqyqtary jónindegi Joǵarǵy komıssar basqarmasymen yntymaqtastyq damýda. QR Syrtqy ister mınıstri Erlan Ydyrysovtyń shaqyrýymen 2015 jyly jýyrda taǵaıyndalǵan Joǵarǵy komıssar, Hanzada Zeıd Raad Zeıd ál-Hýsseınniń bizdiń elge kelýi kútilýde.
Jenevadaǵy QR Turaqty ókili BUU adam quqyqtaryn qorǵaý jónindegi keńes tóraǵasynyń orynbasary qyzmetine 2015 jyldyń 1 qańtarynan kirisedi.