Qazaqstan BTR boıynsha álem chempıony atandy

<p>ASTANA. KAZINFORM &mdash; Qazaqstan SOR29 aıasynda BUU RKIK quramyna kiretin 197 eldiń ishinen tek 9-y ǵana usynǵan Transparenttilik boıynsha eki jyldyq esepti (Biennial Transparency report-BTR1) usynǵan el boldy. Bul týraly Ekologııa jáne tabıǵı resýrstar mınıstrliginiń baspasóz qyzmeti málim etti.</p>

Osyndaı aýqymdy jumysty aıaqtaǵandardyń qatarynda — Japonııa, Ispanııa, Túrkııa, Sıngapýr jáne Nıderlandy Respýblıkasy bar. Muny BUU RKIK atqarýshy hatshysy Saımon Stıl atap ótti.

Bul Parıj kelisiminde qoıylǵan Klımattyq maqsattarǵa qol jetkizý boıynsha Qazaqstannyń Ortalyq Azııa óńirindegi kóshbasshylyǵyn rastaıdy. Osyǵan sáıkes, Qazaqstan Respýblıkasy 2024 jylǵy 31 jeltoqsanǵa deıingi merzimde transparenttilik boıynsha eki jyldyq baıandamany (Biennial Transparency report — BTR1) usynýǵa mindetti.

BTR1 parnıktik gazdardy túgendeý jáne ONÝV oryndalýyn baqylaý týraly mindetti aqparatty, sondaı-aq BTR 1 klımattyń ózgerýiniń áseri jáne tehnologııalardy ázirlep berý; áleýetti arttyrý salasyndaǵy beıimdelý; qarjylyq qoldaý týraly aqparatty qamtıdy.

Foto: Ekologııa jáne tabıǵı resýrstar mınıstrliginiń baspasóz qyzmeti

— BTR1 ázirleýdi BUUDB «Jasyl damý» AQ-men yntymaqtastyqta «9-shy Ulttyq habarlama men birinshi jáne ekinshi BTR daıyndaý» JEQ halyqaralyq jobasy sheńberinde iske asyrdy. BTR1 negizgi bóligi — «Jasyl damý» AQ daıyndaǵan parnıktik gazdar kózderinen antropogendik shyǵaryndylar jáne sińirgishterdiń sińirilýi týraly Ulttyq baıandama sanalady, — delingen habarlamada.

Aıta keteıik, BUU RKIK Hatshylyǵynyń saıtynda https://unfccc.int/first-biennial-transparency-reports tolyǵyraq tanysýǵa bolady.

Buǵan deıin, Qazaqstan týrızm salasyndaǵy halyqaralyq syılyqqa ıe bolǵany habarlandy.