Qazaqstan bitimgershilik kúshteri Sırııaǵa alǵashqylardyń biri bolyp jetedi

<p>ASTANA. KAZINFORM &ndash; Birikken Ulttar Uıymy kúshteriniń bólinýdi baqylaý mıssııasynyń qolbasshylyǵy (SOONNR - UNDOF) Golan bıiktikterinde QR Qarýly Kúshteriniń ulttyq bitimgershilik kontıngentin jetkizý jáne ornalastyrý qyzmetin joǵary baǵalady.&nbsp;</p>

Qazaqstannyń bitimgershilik kontıngenti SONNR basshylyq quramynan jáne ártúrli elderdiń qatardaǵy áskerı qyzmetshilerinen jeke quramdy óz tehnıkasymen, qarý-jaraǵymen jáne materıaldyq-tehnıkalyq qorymen jyldam kóshirgeni úshin joǵary baǵaǵa ıe boldy.

SONNR qolbasshylyǵy atap ótkendeı, ýaqytsha jáne turaqty ornalasý ornynda jedel jetkizý eń qysqa merzimde júzege asyrylǵan.

SOONNR mıssııasy shtabynyń bastyǵy, Gana qarýly kúshteriniń polkovnıgi Ýılıam Nortıdiń aıtýynsha, Sırııa aýmaǵyna tolyq quramda jiberý týraly sheshim qabyldanǵan sátten bastap, qazaqstandyq kontıngentti barlyq tehnıkasymen birge kóshirý BUU bitimgershilik kúshterindegi qyzmeti tarıhyndaǵy eń jyldam jáne uıymdasqan jumys boldy.

Buǵan deıin qosymsha qaýipsizdik maqsatynda SONNR aımaǵynda bolǵan sheteldik kontıngentter óz kúshterin Lıvan aýmaǵy arqyly tasymaldaıtyn, bul Sırııaǵa tasymaldaý mindetin qıyndatty jáne tıimdilikke de aıtarlyqtaı áser etti. Bul rette óńirde on jyldyq tájirıbesi bar ırlandııalyq bitimgershilik kúshter burynǵy marshrýt boıynsha óz eline qaıtady.

Polkovnık Ý. Nortı ýaqytsha SOONNR mıssııasynyń qolbasshysy qyzmetin atqarýda. Ol 1993 jyldan beri Qarýly kúshterde qyzmet etedi.

«QR Qarýly kúshteri jeke quram men tehnıkany tikeleı Sırııaǵa kásibı, qaýipsiz jáne jedel tasymaldady, bul Golan jotasyna tasymaldaý kezindegi qarjylyq jáne ýaqytsha shyǵyndardy aıtarlyqtaı qysqartty. Bul qazaqstandyq bitimgershilik rotanyń jeke quramynyń kásibıliginiń, bilimi men tártibiniń joǵary deńgeıin kórsetedi. Qyzmetti uıymdastyrýdaǵy jedeldigi men tıimdiligi úshin Qzaqstannyń Qorǵanys mınıstrliginiń qolbasshylyǵy men Syrtqy ister mınıstrliginiń qurylymdyq bólimshelerine alǵys bildiremiz», - dep atap ótti SONNR qolbasshylyǵy.

Sonymen birge, Sırııa aýmaǵyndaǵy jergilikti halyq qazaqstandyq bitimgerlerdi jyly qarsy alǵan. Jergilikti turǵyndar Qazaqstannyń áskerı kúshteri Taıaý Shyǵystyń jekelegen memleketterinde tártipti qamtamasyz etý syndy mańyzdy jumys úshin kelgenin túsinedi.