Qazaqstan birinshiliginde top jarǵan atyraýlyq balýandar marapattaldy

<p>ASTANA. KAZINFORM &ndash; Atyraý oblystyq gerk-rım, erkin, áıelder jáne jaǵajaı kúresi federatsııasynyń jıyny ótip, el birinshiliginde oblystyń namysyn joǵary deńgeıde qorǵaǵan balýandar syı-qurmetke bólendi.&nbsp;</p>

Atalǵan oblystyq federatsııa málim etkendeı, jıynǵa oblystyq federatsııa basshysy A.Týgaev, Atyraý oblystyq sport ınternat dırektory Q.Dosqalıev, Olımpıadalyq joǵarǵy sport sheberligi mektebigiń dırektory R.Kısmetov jáne sport ardagerleri men sportshylar qatysty. 

Federatsııanyń atqarýshy dırektory S.Shynybekov 1-5 aqpan aralyǵynda Astana qalasynda ótken kúres túrlerinen Qazaqstan chempıonatynda atqarylǵan jumystardy baıandap aldaǵy jumys josparymen tanystyrdy. 

Óz kezeginde Atyraý oblystyq kúres túrleri federatsııasynyń prezıdenti Arman Týgaev Qazaqstan chempıonatynyń kúmis júldegerleri Bolat Saqaev pen Talǵat Syrbazǵa aqshalaı syılyq jáne chempıon atanǵan Evgenıı Polıvadovqa Atyraý qalasynan páter kiltin tabystap, jattyqtyrýshylaryna syı-qurmet kórsetti.