Qazaqstan brıtandyq Wanderlust jýrnalynyń «jasyl» týrızm baǵyttarynyń tizimine kirdi

<p>ASTANA. KAZINFORM &ndash; Qazaq týrızmniń usynysy boıynsha Shyǵys Qazaqstandaǵy Qaton-Qaraǵaı aýdany brıtandyq Wanderlust jýrnalynyń Travel Green List atty &laquo;jasyl&raquo; týrızm baǵyttarynyń tizimine kirdi. Bul týraly Týrızm jáne sport mınıstrliginiń baspasóz qyzmeti málim etti.</p>

Azııa aýmaǵynda atalǵan tizimge Qazaqstandaǵy aýyl týrızminiń damytýymen qatar, Japonııadaǵy mádenı aǵartý ortalyqtar jáne Sıngapýrdaǵy tabıǵı qoryqqa aınalǵan temirjol sııaqty jobalar kirgen.

«Bes jyl buryn Shyǵys Qazaqstannyń darhan dalasy, taýlary men ormandary keń taralǵan Katon-Qaraǵaı aýdanynyń turǵyndary qıyn jaǵdaıǵa tap boldy. Bul jer qustardyń 275-ke jýyq túri panalaıtyn eldegi eń úlken ulttyq saıabaq bolǵanyna qaramastan, onyń 48 aýyldy mekeni týrısterdi az tartýyna baılanysty jumys orny kóp bolmady. Nátıjesinde, ǵasyr basynan beri onyń halqy eki ese qysqardy.Sebebi kóptegen turǵyn jumys izdep qalalarǵa kóshti», – dep jazǵan jýrnal redaktsııasy.

Bunymen qosa, brıtandyq redaktsııa 2019 jyly Qaton-Qaraǵaıdy qosa alǵanda, shalǵaıdaǵy úsh aýdannyń ómir súrý sapasyn jaqsartý maqsatynda ashylǵan «Aýyldyq aýmaqtardy turaqty damytý qoryna», onyń qyzmetine, atap aıtqanda qonaq úı ıelerin oqytý jáne qonaqjaılylyq mektebin ashý, soqpaqtardy kútip ustaý, jol nusqaýlar men týrıstik aqparat ortalyqty qarjylandyrý sııaqty bastamalarǵa joǵarǵy baǵa bergen.

Bul jobalar aımaqtaǵy turaqty týrızm qaýymdasytǵyn quryp, týrıster úshin qolaıly jaǵdaı jasaýǵa yqpal etkeni de aıtylǵan.

Eske sala keteıik, halyqaralyq ITB Berlin 2024 týrıstik kórmesi aıasynda Shyǵys Qazaqstan oblysynyń «Katon-Qaraǵaı aımaǵyn turaqty damytý» qoǵamdyq qory «Turaqty týrızmniń 100 úzdik baǵyty» tizimine kirip, «Órkendeýshi qoǵamdastyqtar» kategorııasynda jeńiske jetken bolatyn.