Qazaqstan boıynsha 114 «SOS» túımesi ornatyldy

NUR-SULTAN. QazAqparat – «102» qosymshasy arqyly polıtsııaǵa aqparat berip qana qoımaı, paıdaly málimetter alýǵa da bolady. QR Іshki ister mınıstrligi aqparattandyrý jáne baılanys departamentiniń bas mamany Ádil Sársenov atalmysh qosymshanyń ishki ister salasyn tsıfrlandyrý aıasynda qalaı jetildirilip jatqanyn aıtyp berdi, dep habarlaıdy QazAqparat tilshisi.

«Zańǵa qaıshy áreketter nemese tótenshe jaǵdaılar týyndaǵan kezde «SOS túımelerin» paıdalaný qyzmeti de salany tsıfrlandyrý aıasynda jetildiriledi. Qazir elimizde 114 osyndaı qurylǵy ornatylǵan.

Qyzmettik jumysty tsıfrlandyrýdyń mańyzdy jobalarynyń biri - QR Bas Prokýratýrasynyń Quqyqtyq statıstıka jáne arnaıy esepke alý komıtetimen birlesip engiziletin qylmystyq is júrgizýdi elektrondyq formatta júrgizý jobasy.

Búginde tergeýshiler men anyqtaýshylardyń barlyq jumys oryndary qajetti tehnıkamen, jabdyqtarmen jabdyqtalǵan, tıisti baılanys arnalary uıymdastyrylǵan», -dedi ІІM ókili onlaın brıfıngide.

Departamenttiń bas mamany «102» mobıldi qosymshasy telefon arqyly túsetin qońyraýlarmen birge áleýmettik jeli messendjerlerinen keletin málimetterdi de tirkeıtinin aıtady.

«102 mobıldi qosymshaǵa tirkelý arqyly azamattar jedel basqarý ortalyǵynyń jelisi boıynsha habarlama qaldyra alady. Jol-kólik oqıǵalary, jol erejelerin buzý, bala kezinde kýá bolǵan zańǵa qaıshy oqıǵa, turmystyq zorlyq-zombylyq týraly pen birge foto jáne beınematerıal qosa bere alady.

Qazirgi tańda «102» qosymshasyn 53 myńnan astam qoldanýshy júktegen. Qosymsha jumys isteı bastaǵannan beri 128 myńǵa jýyq habarlama kelip tústi. Onyń ishinde Telegram arqyly – 5610, Facebook arqyly – 3914, Vkontakte arqyly – 484, ІІM saıty arqyly – 20367 habarlama joldanǵan», - deıdi Ádil Sársenov.

Onyń aıtýynsha, atalmysh qosymsha arqyly kez kelgen avtokóliktiń VIN nómirin jáne memlekettik tirkeý nómirin engize otyryp, kólik quralynyń tarıhy týraly aqparat alýǵa bolady.

«Bul qyzmet iske qosylǵan sátten bastap azamattardan 5 myńdaı suraý salý kelip tústi», - deıdi maman.