Qazaqstan boıynsha qansha bala sportpen aınalysady

<p>ASTANA. KAZINFORM &ndash; Týrızm jáne sport mınıstrligi daryndy jáne bolashaǵynan kóp úmit kúttiretin sportshylarǵa qoldaý kórsetip, sport rezervin daıyndaý úshin qolaıly jaǵdaılar jasap jatyr. Balalar men jasóspirimder sport mektepteri jelisiniń eń tómen memlekettik normatıvteri bekitilgen.&nbsp;</p>

Týrızm jáne Sport mınıstrligi málim etkendeı, normatıvterge sáıkes respýblıkalyq mańyzy bar qalalarda 55-165 myń adamǵa arnalǵan 1 balalar-jasóspirimder sport mektebi, oblystarda 20-50 myń adamǵa 1 BJSM, oblystyń árbir aýdanynda keminde 1 BJSM bolýy tıis. 

Statıstıkalyq derekterge sáıkes, dene shynyqtyrý jáne sportpen shuǵyldanatyn balalar men jasóspirimder sany 27,3% (984 myń adam) jetti.

Jalpy, 2023 jyldyń qorytyndysy boıynsha respýblıkada 510 balalar-jasóspirimder sport mektebi jumys isteıdi, onda 404 035 bala jattyǵady. 2022 jylmen salystyrǵanda mektepter sany 23-ke, al oqýshylar sany 13 371 adamǵa artqan. Balalardy sport mektepterinde sektsııalarymen qamtý boıynsha Pavlodar (20,7%), Jetisý (17,6%) jáne Soltústik Qazaqstan oblysy (18,4) kóshbasshy sanalady.

«Ótken jyldary BJSM olımpıadalyq emes sport túrlerine kóp kóńil bólip keldi. Biraq jyl basynan beri kóptegen óńir olımpıadalyq túrlerge basymdyq bere bastady. Elimizde medalǵa úmit kóp «tirek» jáne medaldi kóp ákeletin sport túrlerin damytýǵa nazar aýdarý kerek», - dedi Ermek Marjyqpaev.