Ushaq apaty: Qazaqstan borttaǵy ózdiginen jazǵysh quraldardy Brazılııaǵa jiberdi

<p>ASTANA. KAZINFORM<strong> - </strong>Avıatsııalyq oqıǵany tergeý Komıssııasy Brazılııaǵa ushyp ketti, dep habarlaıdy QR Kólik mınıstrliginiń baspasóz qyzmeti.</p>

«Borttaǵy ózdiginen jazǵysh quraldar Brazılııanyń avıatsııalyq apattardy tergeý jáne aldyn alý ortalyǵyna (CENIPA) jetkiziledi», - delingen habarlamada.

Osyǵan deıin «qara jáshiktiń» Brazılııaǵa nelikten jiberiletindigi týraly sarapshylardyń pikirin bergen edik.

Elimizdiń Kólik mınıstri Marat Qarabaev basqaratyn Aqtaý mańyndaǵy ushaq apatyn tergeý jónindegi komıssııa qujat negizinde jáne IKAO usynystary boıynsha, Ázerbaıjan men Reseıdegi avıatsııa salasynyń ókilderimen keńesip, «qara jáshikti» Brazılııadaǵy avıatsııa oqıǵalaryn tergeý ortalyǵyna (CENIPA) jiberýdi uıǵarǵany beker emes. Sebebi qulaǵan Embraer jolaýshylar ushaǵy osy elde jasalady. CENIPA ortalyǵynda «qara jáshikterdi» oqýǵa qajet tehnıka da, zerthana da jasaqtalyp qoıǵan.

Sondaı-aq «qara jáshikti» oqýǵa neshe kún ketetini týraly avıatsııa ınjeneriniń jaýabyn jarııaladyq.