Qazaqstan boksshylar quramasy Kýbaǵa attanyp ketti

NUR-SULTAN. QazAqparat - Bokstan Qazaqstan ulttyq quramasynyń músheleri Kýbaǵa attanyp ketti, dep habarlaıdy QazAqparat tilshisi elimizdiń boks federatsııasyna silteme jasap.

Qazaqstandyq bylǵary qolǵap sheberleri kýbalyq áriptesterimen birge oqý-jattyǵý jıynyn ótkizedi. Atalǵan jıynǵa ulttyq qurama sapyndaǵy jáne rezervtegi boksshylar shaqyrtý alǵan. Sportshylarǵa Ǵalymbek Kenjebaev, Myrzaǵalı Aıtjanov, Nurlan Aqúrpekov, Askar Erkebaev syndy bapkerler basshylyq jasaıdy. Daıyndyq eki aptaǵa sozylady.

Kýba elinde tómendegi boksshylar daıyndyq júrgizedi:

Mahmýd Sabyrhan, Sáken Bıbosynov, Oraz Asylqulov (52 keli);

Serik Temirjanov (57 keli);

Samatálı Tóltaev (60 keli);

Sanatálı Tóltaev, Ertýǵan Zeınýllıev (63 keli);

Abylaıhan Júsipov, Qýan Qýatov (69 keli);

Ábilhan Amanqul, Raıs Nurqanat, Ermahan Jaqypbekov (75 keli);

Nurbek Oralbaı (81 keli);

Aıbek Oralbaı, Saǵyndyk Toǵambaı (91 keli);

Nurlan Saparbaı (91 keliden joǵary).

Esterińizge sala ketelik, budan ulttyq qurama sapyndaǵy birqatar qazaqstandyq boksshy jattyǵý ótkizý úshin AQSh-qa attandy.

Olardyń qatarynda Qamshybek Qońqabaev, Vasılıı Levıt, Bekzat Nurdáýletov, Zakır Safıýllın syndy boksshylar bar.