Qazaqstan boks federatsııasy Azııa qurlyǵy boıynsha «Jyldyń eń úzdik federatsııasy» dep tanyldy

<p>ASTANA. KAZINFORM - Azııa boks qaýymdastyǵy araǵa 6 jyl salyp, jyl úzdikterin atap ótýdi qaıta jańǵyrtty. Bul týraly Qazaqstan boks federatsııasy málim etti.</p>

2024 jyldyń qorytyndysy boıynsha barlyǵy 17 nomınatsııa jarııalanyp, onyń ishinde Qazaqstan 4 atalymda jeńimpaz dep tanyldy.

Foto: QR Boks federatsııasy

Úzdik ulttyq federatsııa - Qazaqstan boks federatsııasy.
Erler arasyndaǵy úzdik boksshy - Saǵyndyq Toǵambaı.
U22 erler arasyndaǵy úzdik boksshy - Temirlan Muqataevıý
Jastar arasyndaǵy úzdik boksshy - Tórehan Sabyrhan.

Foto: QR Boks federatsııasy

Jaqynda Taıland koroldiginiń Chıangmaı qalasynda bokstan ótken Azııa chempıonaty ótken bolatyn.

Qazaqstan boks federatsııasy Taılandtaǵy Azııa chempıonatynyń fınalyndaǵy qazaq-ózbek kezdesýine qatysty shaǵym túsirdi. IBA ókilderi Havasbek Asadýllaevtyń jekpe-jek kezinde jerlesimizdi tistegenin rastap, tóreshiler sheshimin ózgertti. Jeńis Abylaıhan Júsipovke berildi. Al tártipti óreskel buzǵan boksshy bokstan shettetildi.

Osylaısha, altyn sany jaǵynan Qazaqstan men Ózbekstan teńesti. Jalpy esepte eki elde 10 altynnan bar.