Qazaqstan bıznesi ýkraınalyq seriktestermen jumys isteýge daıyn – elshi

KIEV. QazAqparat – Qazaqstan bıznesi ýkraınalyq seriktestermen jumys isteýge daıyn. Bul týraly elimizdiń Ýkraınadaǵy Tótenshe jáne ókiletti elshisi Darhan Káletaev Ýkraına Saýda-ónerkásip palatasynyń prezıdenti Gennadıı Chıjıkovpen kezdesýde aıtty, dep habarlaıdy QazAqparat.

Qazaqstannyń Ýkraınadaǵy elshiliginen málim etkendeı, taraptar saýda-ekonomıka salasyndaǵy yntymaqtastyqty odan ári jetildirý, iskerlik qarym-qatynasty qalpyna keltirý máselelerin talqylady.

«Elshi D.Káletaev óz sózinde eki el prezıdentteriniń jaqynda telefon arqyly sóılesýinde kóterilgen máselelerdi talqylap, qazaqstandyq bıznes ýkraınalyq seriktestermen jumys isteýge daıyn ekenin málimdedi», - delingen usynylǵan habarlamada.

G. Chıjıkov bıylǵy 23 shildede atalyp ótken eki el arasyndaǵy dıplomatııalyq qarym-qatynastyń ornaǵanyna 30 jyl tolýymen quttyqtady.

Foto: facebook.com/KazEmbassyUkr