Qazaqstan bıylǵy 1-jartyjyldyqta 21,7 mlrd dollardyń taýaryn eksportqa shyǵardy

NUR-SULTAN. QazAqparat – Qazaqstan 2021 jyldyń 1-jartyjyldyǵynda 21,7 mlrd dollardyń taýaryn eksportqa shyǵardy. Bul týraly Úkimettiń keńeıtilgen otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Syrtqy naryqtardaǵy ahýal turaqtanyp kele jatqandyqtan, ımport almastyrý jáne eksportty damytý boıynsha qabyldap jatqan is-sharalar bıylǵy jyldyń alǵashqy 5 aıynda saýda balansynyń oń saldosyn 7 mlrd dollar deńgeıinde saqtaýǵa múmkindik beredi», - dedi Úkimet basshysy.

Premer-Mınıstrdiń atap ótýinshe, syrtqy saýda aınalym 36,4 mlrd dollar deńgeıinde qalyptasty.

«Eksport kólemi 21,7 mlrd dollar, ımport kólemi 14,7 mlrd dollar boldy. Al óńdelgen taýarlar eksporty 23,4 paıyzǵa ósip, 7,2 mlrd dollarǵa deıin jetti», - dedi Asqar Mamın.