Qazaqstan bıyl qansha ýran óndiredi

ASTANA. QazAqparat - Qazaqstan bıyl 23 myń tonnaǵa jýyq ýran óndiredi. Bul týraly búgin QR Energetıka mınıstrliginiń keńeıtilgen alqa májilisinde vedomstvo basshysy Qanat Bozymbaev aıtty, dep habarlaıdy QazAqparat tilshisi.

«Ýrannyń álemdik naryqtaǵy kúrdeli jaǵdaıyna qaramastan biz ýran salasynda ony óndirýshi kóshbasshy pozıtsııamyzdy saqtap qalýǵa nıettimiz. Qazirgi ýaqytta ýran usynysynyń artyq ekendigi baıqalady jáne bul trend jalǵasyp otyr. Josparly kórsetkishke saı 21 699 tonna ýran óndirildi. Bul jylǵy ýran óndirý jospary -22 742 tonna», - dedi ol.

Onyń aıtýynsha, aıtarlyqtaı mol ýran qorynyń bolýy - Qazaqstannyń basymdyǵy sanalady. Sondyqtan ıadrolyq otyn tsıkliniń barlyq negizgi segmentterin damytý arqyly atom salasynyń jalpy qosylǵan qunyn arttyrý jáne ózindik resýrstyq bazany barynsha qoldanylatyn atom energetıkasyn qurý - mınıstrliktiń basty maqsaty bolýy tıis. Osy rette Q.Bozymbaev óz orynbasaryna naqty tapsyrma júktedi.

«Vıtse-mınıstr Suńǵat Esimhanov pen Atom energetıkasy jáne ónerkásip departamentiniń dırektory Batyrjan Qarakózov aǵymdaǵy jyldyń birinshi jartyjyldyǵynda atom salasyndaǵy azamattyq-quqyqtyq jaýapkershilik máseleleri boıynsha zańnamaǵa ózgerister engizýdi qamtamasyz etýi tıis», - dedi Q.Bozymbaev.