Qazaqstan bıyl 14 myń bas iri qara mal ımporttaýǵa nıetti - QazAgro
oǵan qosa «Sybaǵa» baǵdarlamasy boıynsha 42 myńǵa jýyq iri qaranyń analyq mal basyn satyp alý qarastyrylýda.
Bul týraly Ortalyq kommýnıkatsııalar qyzmetiniń baspasóz máslıhatynda «QazAgro» UBH» AQ-nyń basqarýshy dırektory Anas Baqqojaev málim etken.
«Aǵymdaǵy jyly 14 myń iri qara mal ımporttaý josparlanǵan, «Sybaǵa» baǵdarlamasy boıynsha 42 myń analyq mal basyn jáne 1400 asyl tuqymdy buqa satyp alý qarastyrylǵan», - dedi A.Baqqojaev.
Sonymen qatar, ol búgingi tańda 10,5 myń iri qara maldy kirgizý, «Sybaǵa» sheńberinde 20,3 analyq mal basyn jáne 1167 asyl tuqymdy buqa satyp alý maquldanǵanyn aıtyp ótti.
Sonymen qatar, 1000 oryndyq mal jemdeıtin alań qurylysy qarjylandyrylatyn boldy. Óz kezeginde aýyl sharýashylyǵy taýarlaryn óndirýshilerge óz qarajattaryna 13 myń oryndyq mal jemdeıtin alańdar salý josparlanǵan.
Budan ózge, ulttyq holdıng ókiliniń aıtýynsha, Qazaqstanda memlekettik-jekemenshiktik seriktestik negizinde et klasteri qurylady.