Qazaqstan bıylǵy astyqtyń 6 mln tonnasyn eksporttaıdy

<p>Aýyl sharýashylyǵy vıtse-mınıstri Azat Sultanov astyq eksportyna qatysty túsinik berdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Búgin Senat komıtetiniń keńeıtilgen otyrysynan keıin tilshiler vıtse-mınıstrden bıyl jınalǵan astyqtyń qaı bóligi eksportqa shyǵarylatynyn surady.

«Bıyl 15,5 mln tonna astyq jınalýy múmkin ekenin aıtqan edik. Qazir ákimdikterdiń málimeti boıynsha 16,5 mln tonna qambaǵa tústi. Sondyqtan osy astyq kólemin eskere otyryp, eksportqa 6 mln tonna shamasynda ónim shyǵarýǵa múmkindik bolady», – dedi Azat Sultanov.

Budan buryn habarlanǵandaı, bıyl qazan aıynyń sońyndaǵy málimet boıynsha Qazaqstanda 16 mln tonnaǵa jýyq astyq bastyryldy.

Jýyrda Aýyl sharýashylyǵy mınıstri Aıdarbek Saparov bıyl jınalǵan astyq kólemi birshama az bolǵandyqtan, eksportqa shyǵarylatyn astyq kólemi azaıatynyn aıtqan edi. «ıAǵnı 5 mln tonnadan artyq bolmaıdy dep oılaımyz», – degen edi vedomstvo basshysy.