Qazaqstan bıyl úzdik týrıstik baǵyttar tiziminde 119 eldiń ishinde 52 orynǵa turaqtady

<p>ASTANA. KAZINFORM &ndash; Qazaqstan Saıahat jáne týrızmdi damytý jónindegi dúnıejúzilik ekonomıkalyq forýmnyń ındeksine sáıkes, úzdik týrıstik baǵyttar tiziminde 119-dan 52-shi oryndy ıelendi. Bul týraly Ortalyq kommýnıkatsııalar qyzmeti alańynda ótken baspasóz konferentsııasynda QR Týrızm jáne sport mınıstrligi Týrızm ındýstrııasy komıtetiniń tóraǵasy Nurtas Káripbaev málimdedi.</p>

Onyń sózinshe, 2 jyl buryn elimiz 117 eldiń ishinde 66-shy orynda bolǵan. Bolashaqta osy reıtıngtegi úzdik 50 eldiń qataryna kirý mindeti tur.

Ótken jyldyń qorytyndysy boıynsha týrızm salasy pandemııadan keıin tolyq qalpyna kelip qana qoımaı, týrızmniń negizgi kórsetkishteri boıynsha eń joǵary deńgeıge jetken. 2023 jyly elge 9,2 mln sheteldik kelgen. 2022 jylǵy statıstıkadan 2 ese kóp. 9,6 mıllıonnan astam otandas el ishinde saıahattady, ıaǵnı 2022 jyldan 1 mln-ǵa artyq. Týrızm nysandary 229 mlrd-tan astam teńgege qyzmet kórsetti, bul 2022 jylǵy kórsetkishten 1,3 ese kóp.

«Baǵanyń básekege qabilettiligin, qyzmet kórsetý sapasyn jáne áleýmettik-ekonomıkalyq yqpaldy qosa alǵanda, túrli krıterıı boıynsha reıtıngti jaqsartý bizdiń durys baǵytta kele jatqanymyzdy kórsetedi. Ekinshi jaǵynan, bul - ortalyq memlekettik organdar, ákimdikter, qaýymdastyqtar, bıznes jáne aralas salalardyń úılesimdi jumysynyń kórsetkishi», - dedi spıker.