Qazaqstan benzın ımportynan qutylýǵa tyrysýda

ASTANA. QazAqparat - Qazaqstan  benzın men dızel ımportyn qysqarta otyryp, otyn ızolıatsıonızmi saıasatyn alǵa jyljytýdy bastady. 2015 jylmen salystyrǵanda, 2016 jyly benzın men dızel otynynyń ımporty 20 myń tonnadan astam deńgeıge qysqardy.

 Bul týraly finprom.kz málimetinde aıtylǵan, dep habarlaıdy QazAqparat.

Importtyń qysqarýyna motor jáne dızel otynyn óndirý kóleminiń artýy yqpal etti. 2016 jyldyń 11 aıynda Qazaqstannyń munaı óńdeıtin kásiporyndary 7 mln. tonnaǵa jýyq ónim shyǵardy. Bul kórsetkish bir jyl burynǵydan 130 myń tonnaǵa artyq.

Degenmen qazaqstandyq tutynýshylar avtomobıl otynynyń tapshylyǵyn sezinýde. 2016 jyldyń qańtar-qarashasynda ishki naryqqa 8,3 mln. tonna otyn jiberildi. Bul kórsetkish 2015 jylǵa qaraǵanda artyqtaý, biraq ta 2013 jáne 2014 jyldarmen salystyrǵanda azdaý.

  Janar-jaǵarmaıǵa degen suranys Qazaqstanda avtokólikter sanynyń artýy turǵysynda ósti. 2016 jyly bólshek naryqta dızel otynynyń quny 33 paıyzǵa, al AI-92 markaly benzın baǵasy 8 paıyzǵa joǵarylady.

Esterińizge sala keteıik, 2015 jyly kúzde elimizde AI-92 markaly benzınine memlekettik retteýdi doǵarý týraly sheshim qabyldanǵan bolatyn.